BRITANNICA ELECTIO FEMINARUM FORMOSISSIMARUM
BRITANNICA ELECTIO FEMINARUM FORMOSISSIMARUM
FEMINAE TOTIUS MUNDI MAXIMÊ ATTRACTIVAE
Jessica Alba actrix US-Americana planetae nostri est femina maximê erotica, si quidem licet credere Britannis maximam partem viris editionis periodici „FHM" Britannicae lectoribus. Quae puella 25 annos nata in locis posteriorioribus reliquit Keeley Hazell modellam et Evam Longoriam actricem seriei televisoriae praecipuam.
Neo-Eboraco ex urbe - Christophorus Bell, Britannus editor periodici „FHM", diurnariis ipsius BBC: "Haec mulier" inquit, „est bono ingenio, successu optimo, summâ pulchritudine". Favor Keirae Knightley, quae victoriam pepererat anno proximo praeterito, tanto deminutus est, ut eadem nunc sit loco duodecimo. At BBC rettulit plurimum de scalâ formositatis delapsam esse Siennam Miller: a loco duodecimo ad quadragesimum quintum.
|
Loco primo: Jessica Alba actrix
Loco secundo: Keeley Hazell modella
Loco tertio: Eva Longoria actrix
Loco quarto: Adriana Lima modella
Loco quinto: Scarlett Johansson actrix
Loco sexto: Hayden Panettiere actrix
Loco septimo: Cheryl Tweedy cantrix
Loco octavo: Angelina Jolie actrix
Loco nono: Emily Scott modella
Loco decimo: Elisha Cuthbert actrix
|
Etiam inter decem priores esse referuntur Angelina Jolie et Scarlett Johansson. Keeley Hazell autem modella non est unica Britanna, cui compatriotae tam vehementer faverunt, ut assequeretur unum ex locis decem prioribus. Cheryl Tweedy enim cantrix ascendit ad locum septimum. Necnon Catharinam (Kate) Middleton amicam quondam Principis Vilelmi lectores oblîti sunt - quam constituerunt in loco 25 (vicesimo quinto).
Jessica Alba pulchritudo a lectoribus illius „FHM" amatissima hôc anno iam a negotiatione subligarium giganteâ, cui nomen est „Victoria's Secret", creata erat „actrix excitantissima". Inter arbitras huius negotiationis fuit etiam Heidi Klum modella Germaniae illustrissima.
Hanc relationem d.27. m.Apr. a.2007 in periodico interretiali „Spiegel online" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
| 
