Impetus factus est heri in statione ferriviariâ principali Suerini, i.e. capitis Megalopolitano-Praepomeraniae. Nicolaus Wiechmann locutor astynomicus a diurnariis periodici SPIEGEL ONLINE interrogatus: „Mulier praeteriens" inquit „astyphylaces auxilio arcessivit".
Astyphylaces veste civili induts impedivisse, ne novi impetûs fierent in Iracianos 16 et 44 annos natos et arrestavisse duos viros ebriolos, qui in suspicionem venissent facinoris commissi. Locutor: „Violatorum" inquit „facies intumuerant". Tutores rei publicae esse perquisitionis participes.
Wiechmann: "Duo viri" inquit „qui aggressi esse putantur, astynomis iam sunt noti, praecipuê propter delicta corporis violati et furti facti". In virum 20 annos natum prius iam inquisitum esse propter usum signorum, quae spectarent ad organisationes constitutioni rei publicae infestas.
Hanc relationem d.11. m.Apr. a.2007 in periodico interretiali „Spiegel online" inventam e Theodisco sermone in Latinum convertit Nicolaus Groß praeceptor Sedis interretialis domûsque editoriae, quae appellatur LEO LATINUS:
