Annus
2 0 0 7



De pontificis oratione Natalicia

De pontificis oratione Natalicia

Benedictus decimus sextus populum in foro Sancti Petri die Natalis allocutus est, pacem invocans et potentes admonens, ut difficultates fratrum ratione solvantur. "In hoc pacis die, cogitatio nostra eo ante cetera convertitur, ubi armorum clangor resonare solitus est. Nationum moderatores oro atque obsecro, ut humanas rectas perennes rationes et in Africa et in Oriente medio coniunctim exstruant: mens nostra advolat ad excruciatas regiones Darfuriae, Somaliae et rei publicae Congensis, usque ad fines Erythraeae et Aethiopiae: utinam dies Natalis ius et solacium iis afferant, qui inopia iniuria bello patiuntur! Iesus infans dolentes levet et in gubernatorum corda sapientiam infundat necnon animum humanas rectas perennes rationes exstruendi. Sitientibus hominibus vitae significationem ac pretium, bonam et quietam vitam requirentibus, miseris exspectantibus, Christus re vera Deus re vera homo ortu suo responsum praebet. Ne timeant homines et populi eum agnoscere et accipere!"

Pontifex urbi et orbi consuetam benedictionem impertivit et LXIII linguis allocutus omnia bona exoptavit.

Scripsit Herimannus Novocomensis



Retro ad:

Novissima editio
Summum paginae