Odor olei olfiebat etiam dimidio chiliometro a litoribus Malliponis remotus. Oleum māne lītus advźnit et polluit per longitudinem septem ferź chiliometrorum. Yonhap agentura nuntiorum nuntiat etiam multas feturas bestiarum marinarum periclitari.
Heri undecim chiliometris ante urbem Malliponem tolenno** tractorius colliserat cum nave oleariā, ut eadem compluribus locis perfoderetur. Vigiles litorales nuntiaverunt effectum esse tapete olearium longitudine 20 (viginti), latitudine 2 (duorum) chiliometrorum. Hōc tempore navis olearia stabat exoneranda ante portum urbis Daesan, in directione austro-occidentali, 110 ferź chiliometris ab urbe Seulo capite Austrocoreae.
Hodie Coreanum ministerium rerum maritimarum piscaturaeque nuntiavit 70 (septuaginta) ferź navibus helicopterīsque mari imposita esse obstacula, quibus impediretur, ne tapete olearium pergeret diffundi. Sperandas esse temperaturas maris inferiores, ut oleum celerius conglobaretur. Contra ac protectores circumiectorum locales locutor ministerii locutus est futuris confidens: Qui dixit condicionem navis oleariae esse relativź stabilem; in summā se bene sperare fieri posse, ut pestis olearia maior impediretur. Vigiles litorales nuntiaverunt operas factum iri minimum per tres dies.
Mallipo est lītus Austrocoreae unum ex pulcherrimis et gratissimis. Praeterea in hac regione sita sunt viridarium marinum protectum necnon regio avium migratoriarum recreatoria.
Haec pestis olearia est pessima omnium, quas Austrocoreani umquam passi sunt. In infortunio huius generis usque nunc maximo a.1995 (millesimo nongentesimo nonagesimo quinto) lītus Coreae australe pollutum erat 5000 (quinque milibus) tonnarum olei, ut fieret detrimentum circiter 33 (triginta trium) milionum euronum. Illo tempore navis olearia illiserat in scopulum.
___________
