SPIEGEL ONLINE - 01
ATTENTATIONES MULTIPLICES
Britannos flagitari, ut adiuvent tromocratarum investigatores
In Magnā Britanniā quam attentissimź investigantur praedispositores attentationum Glascuae et Londinii frustrā factarum. Quinque suspiciosi sunt arrestati, compluribus locis domūs sunt perquisitae. Gordonus Brown Britanniae minister primarius Britannos flagitavit, ut essent summā vigilantiā.
Londinio ex urbe - Gordonus Brown hodie e statione BBC radiophonicā loquens: "Istud periculum" inquit non evanescet per septimanas aut menses". Idem successor Antonii Blair cives denuo rogavit, ut essent quam vigilantissimi, sed simul eosdem flagitavit, ut adversus gradum periculi tromocratici summum pergerent vivere more solito".
|
Astyphylaces in Heathrow aeriportu Londinensi custodientes: Quinque viros suspiciosos esse arrestatos
|
"Equidem scio" Gordonus inquit populum Britannicum animo firmo fortique fore concordem". "Nos non cedemus, nos non patiemur terreri nec ulli permittemus, ut tolleret nostrum modum vivendi Britannicum". Tromocratiae "numquam posse rationem reddi, quasi esset actio fidei religiosae", sed eandem manźre omnibus condicionibus actionem mali". Magnam Britanniam periclitari ab hominibus, qui rationem haberent ad rete tromocraticum Alcaidanianum.
Lord Stevens, officii astynomici Scotland Yard prior praeceptor, Gordonii consiliarius antitromocraticus, explanavit attentatores usos esse "iisdem rationibus bombas fabricandi technicis ac eorum sodales Bagdatenses". Inveniri etiam etiamque indicia, quibus concludi posset tromocratas Alcaidaianos in Magnā Britanniā natos interim ex Iraciā et Afganistaniā reversos esse, ut ducerent greges tromocratarum Britannicos.
TIMOR DOMINATUR IN MAGNĀ BRITANNIĀ: GUBERNATIO DECLARAT GRADUM PERICULI SUMMUM
|
Paucis horis post attentationem in aedificium aeriportūs Glascuensis factam astyphylaces obsaepiunt etiam aeriportum Liverpooliensem.
Glascuā in urbe hominibus est relinquendum aedificium aeriportūs.
Quidam vir filiolum aufert in locum securum.
Omnes volatūs praedispositi tolluntur, peregrinatoribus est ...
... cum sarcinis suis aeriportus relinquendus
Astyphylaces aditūs custodiunt.
Mamuchio in urbe astyphylax graviter armatus custodit introitum aedificii terminalis.
Etiam in USA acriores factae sunt rationes securitatis. In aeriportu Bostoniensi officialis cum cane odorisequo bombarum indagatore aufert sarcinam possessoris expertem.
In internationali aeriportu Angelopolitano autocineta acrius custodiuntur.
|
Iacoba Smith ministra rerum domesticarum sessioni commissionis criseos gubernantium moderata affirmavit Britannos non terreri. Iacoba: Cives" inquit adhortamur, ut astynomis nuntient omnes eventūs suspiciosos."
Investigatores antitromocratici primo arrestaverunt quinque viros suspiciosos. Inter eos fuerunt etiam ambo attentatores (quales esse putantur), qui die Saturni curru gepico ardenti rapidissimź invecti erant in aeriportum Glascuensem. Die Solis perquisitae sunt complures domus prope aeriportum sitae. In stratā autocineticā in Angliā boreali sitā deinde mane diei Solis comprehensi sunt duo viri suspiciosi. Postea perquisita sunt habitacula oppidi Newcastle-Under-Lyme, quod situm est inter Mamuchium et Birminghamium. Liverpoolio in urbe arrestatus est quidam vir 25 annos natus, ibi quoque perquisita sunt duo habitacula.
TIMOR TROMOCRATIAE: IN AERIPORTU GLASCUENSI HOMINES TERRORE PANICO CORREPTI
|
Cooperatores aeriportūs et epibatae aeriportum Glascuensem relinquunt.
Currus gepicus flagrat: Qui a duobus viris gubernatus est in aedificium terminale.
Siphonarii rapidź vecti sunt ad locum facinoris ...
... et extinxerunt currum flagrantem.
Autocineto disploso aedificium terminale graviter afflictum est.
Autocineti vectores ambo ab astyphylacibus sunt comprehensi.
In aeriportu Glascuensi puer parvus manu adultae ducitur in locum securum.
In aeriportu Glascuensi omnes volatūs praedispositi sunt sublati. Epibatae aufugźrunt in locos securos.
Servatores agentes: Uno die post attentationes Londinenses etiam Glascuā in urbe homines corripiuntur timore tromocratiae
Epibata cum sarcinā suā relinquit aeriportum Glascuensem.
Astyphylaces epibatas certiores faciunt ...
... quomodo possint relinquere aeriportum quam celerrimź.
Post displosionem astyphylaces custodiverunt autocineta in aeriportu statuta.
|
Vir suspiciosus, qui astyphylacibus vigilantibus in nosocomio iacet, diei Saturni tempore postmeridiano ustulationibus affectus est, cum currus gepicus in aeriportus Glascuensis aedificium terminale proreptus inflammaretur. Autocinetum viride aedificii terminalis portis vitreis diffractis distantiā paucorum metrorum ante ordinem epibatarum exspectantium in loco constitit. Quidam peregrinator: Isto curru" inquit si usque ad homines pervasisset, homines interfecti essent aliquot centum".
Ambo currūs vectores ab astyphylacibus comprehensi sunt. Quinque homines prope currum versati curati sunt propter vulnera, unus propter crus vulneratum in nosocomium erat transportandus. Duobus milibus quingentis epibatis aeriportus statim relinqendus fuit. Sōlis demum die aeriportus denuo apertus est.
Astynomi putant claram esse cohaerentiam inter facinus Glascuense et ambas attentationes Londinenses. Magistratūs dixerunt in omnibus vehiculis fuisse magnas copias materiarum accensivarum. E circulis Britannici officii securitatis emanavit indicia esse, quibus appareret impetum Glascuensem praedispositum fuisse ut attentationem suicidialem.
Post meridiem prope Glascuam vehiculum quoddam suspiciosum displosum est. Locutor astynomicus homines certiores fecit idem vehiculum habere quandam rationem ad attentationem in aeriportu frustra factam. Displosio consulto praeparata est ab ipsis astyphylacibus in areā stativā nosocomii Alexandrae Regiae, ubi curatur unus ex attentatoribus (quales esse putantur).
Hanc relationem d.01.m.Iulii a.2007 h.19.17 in periodico interretiali Spiegel online" editam e Theodisco sermone in Latinum convertit Nicolaus Groß praeceptor Sedis interretialis domūsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
| 
