Potentes de Africa disputasse

Post tenue consilium de obnoxiis vaporum emissionibus moderandis sumpto, grex octo potentissimarum orbis civitatum praesidentium Aggere Sacro (Heiligendamm), ad oram maris Baltici, cum quattuor Africarum natiorum legatis convenerunt, id est Nigeriae Senegaliae Ghanae et Algeriae, ut de perniciosissimis morbis quibus incolae Nigri Continentis affliguntur colloquerentur. Sexaginta milia milionum dollarorum ad hoc a ditissimis nationibus fundentur, quorum dimidia pars a Civitatibus Americae Unitis.

Confirmatum est septem millesimae partes nationum illarum dividiarum in adiutorium pauperrimorum ab anno bismillesimo decimo quinto donandum esse atque aes alienum Africorum magnopere remittendum esse. Consilium denique mutuae vigilantiae institutum est, ut omnia communi consensu perficiantur. Magnae sunt exspectationes rectorum Afrorum.

Scripsit Herimannus Novocomensis