CARTER ÜBER BLAIR
IACOBELLUS CARTER QUID DIXERIT DE ANTONIO BLAIR
"Abominabilis, servilis, caecus, evidenter devotus"
Iacobellus Carter Civitatum Unitarum quondam praeses, insolitâ cum vehementiâ invectus est in Antonium Blair ministrum Britanniae primarium. Ratio, quam Antonius habet cum Georgio Bush US-praeside, a Iacobello appellata est „abominabilis".
|
Iacobellus Carter
|
Londinio ex urbe – Paucis septimanis antequam Antonius Blair munus suum abdicabit, Iacobellus Carter praeses quondam Americanus de eodem Britanno indignatus non temperat verbis. In colloquio interrogatorio, quod emissum est a statione BBC, Iacobellus dixit, eo quod Antonius bellum Iracianum „perpetuo fovisset, toti mundo effecta esset magna tragoedia". Iacobellus 82 annos natus cum interrogaretur, quomodo Antonius se gessisset erga Georgium Bush praesidem Americanum, respondit: „Qui fuit abominabilis, servilis, caecus, evidenter devotus."
Idem vir praeses quondam Americae iam saepius vituperavit, quod Antonius Britannus foverat bellum Iraciense, sed numquam tantâ cum vehementiâ. Hoc colloquium interrogatorium est eodem die emissum, quo Antonius ex inopinato in Bagdati zonâ viridi hermeticę obsaeptâ duces Iraciae visitavit valedicendi causâ. Idem minister Britanniae primarius nuper declaravit se d.27.â m.Iunii esse munus abdicaturum.
Hanc relationem d.19.m.Maii a.2007 h.11.43 in periodico interretiali „Spiegel online" editam e Theodisco sermone in Latinum convertit Nicolaus Groß praeceptor Sedis interretialis doműsque editoriae, quae appellatur LEO LATINUS: http://www.leolatinus.com/
Scripsit Nicolaus Gross
|
