Quomodo Catholici et Prophetae Religionis fideles se post scelus Rouenense congregare sub charitate statuerint

Plus quam viginti tria milia Islamorum Missis in innumeris urbibus Italicis, inter quas Roma, Augusta Taurinorum, Barium, affuerunt.

“Limen sacrum, trans quod refugium quaerebet qui nazifascistos fugiebat ait orationum praeses Yahia Pallavicini, transimus”.

Orationum praeses in urbe Neapolitana Abdullah Cozzolino dicit: “ Colloquium cum catholicis certo non desinit, immo posthac fortius fiet”.

Hic actus episcopis Italicis significativus est.

Die triginta uno Jiulii mensis praeteriti Islamicae gentes una cum catholicis se congregaverunt pro orationibus communibus.

Gentes Prophetae religionis invitatae sunt insequenti die ad Domini Missam in urbibus Italicis et Francogallis et in aliis orbis terrarum partibus, ut fraternitatis signum ostentarent. Haec acclamatio, indecta a communitate Islamica Francogallica

post scelus perpetratum contra sacerdotem catholicum, cui nomen fuit Jacobus Hamel, accepta est a communitate Islamica Italica necnon ab Episcoporum congregatione, cuius legatus, nomine Ivan Maffeis, “actum maximum”, id potuit definire.

Actus similes de regione ad alias se repercutiunt ad maiorem eorum proximitatem instituendam.

“In urbe Rouenensi – clamat praeses quidam orationum – nemo mortem abire debet. Sectatores, qui sunt membra sodalitii nefarii cui nomen Isis, falsam imaginem Prophetae religionis coram mundo ostentant, quam viri vero religiosi spernunt. Actus bonae voluntatis quem hodie omnes opponunt certissime irritum non poterit facere modo definitivo terrorem a sectatoribus inductum. At hic gestus idem, quem coram omnibus gentes bonae voluntatis dant, signuum est per quod Prophetae religio vera in Europa opponi minis sectatorum fanaticorum vult!”.

Romae tres orationum presides Missae affuerunt i aede Sancta Maria trans Tiberim collocata ut communitatem Sancti Egidii ad animum sublevandum sustinerent. Considentes in prioribus sedibus, ante maximam aram, in aede sacra, innumeri orationum praesides fuerunt illo die, inter quos enumerandi sunt: praeses Islamicae aedis quae invenitur in via Fraxinorum Centumcellarum; Mohammed ben Mohammed Congregationis quae Ucoii appellatur legatus; Sami Salem Islamicae

Sedis dux, quae unvenitur apud Maglianam; Mohammed Hassan Abdelgaffar, Islamicae sedis praeses, quae invenitur in via Candia.

“Hic - declaraverunt – sumus in domo nostra. Hodie praesentia nostra symbolica est, ut signum sit bonae voluntatis, sed multo ab hinc tempore communio inter nos exstat. Religionibus pacem, egalitatem, fraternitatem opus est ostendent. Oportet strenui simus nos qui orationum praesides sumus contra terrorem allatum a fanaticis sectatoribus. Etiam vos, Christi fideles, parati estote ad hanc maledictionem eradicandam”. “Sumus hic ut testimonium communionis demus maxime post scelus in urbe Rouenensi perpetratum – dixit Mohammed ben Mphammed antequam aedem sacram intranet -,ut proximitatem et communionem proferamus”.

Scripsit Iohannes Teresi