PRIMAE OLYMPIADES AENIGMATUM LATINORUM

Inter Ludos Europaeos de lingua Latina et Graeca fovenda, (Festival Europeén Latin Grec) auxilio actorum Hebdomadae Aenigmatum, primae Olympiades aenigmatum (Certamen Aenigmatum) die 25 mense Martio Lugduni apud praeclaram Universitatem Studiorum Lugdunensem, cum CL discipuli e sex Lycaeis Gallicis interfuissent, paratae sunt.

Ex certaminis regulis, sine lexici auxilio, tria aenigmata solvenda erant (crucigramma, crucigramma syllabicum, crucigramma absconditum) prorsus Latine scripta, definitionibus additis.

Duo victrices pares Leila Lopez, puella XV annorum et Lea Pipet, XIV annorum exstiterunt. Ambo tres ludos propositos intra novem tantum temporis minuta solverunt. Prima magistra quartum locum habuit. In locis a primo ad sextum feminae triumphaverunt: IV discipulae et II magistrae.

Sex victrices exornatae sunt tunicula Ludorum verbis inscripta: “Veni, lusi, vici”, ad sententiam claram Iulii Caesaris revocandam. Finis incepti est vim vitalem linguarum classicarum ostendere, quomodo cotidie ad lusum et oblectationem mentis iis uti possimus.

Scripsit Lydia Ariminensis