Femina LXII Annos Nata Filiam Tertio Loco Genitam Parit

Femina Hispanica LXII annos nata nuper puellam sanam peperit et alias feminas provectas hortatur ut se imitentur si volunt.

Lina Alvarez ex nosocomio cum filia tertio loco genita discessit die XVIII Octobris se optime valere dicens.

Infantem, nomine “Lina” sicut mater, die X Octobris nata, bene valere dixit. Lina, 2.4 chiliogrammorum pondo, sectione caesarea genita est.

Primus filius, XXVII annos natus, paralyticus est. Secundus puer est iam decem annorum. Conceptiones secunda tertiaque propter coitus “in vitro” erant.

Lina, quae ipsa est medica, feminas provectas quae satis bene valere ut infantem pariant non necesse est sibi timere dixit; natura, gynaecologus ne decernat.

Scripsit Stephanus Rex