GALLI MAXIME IN EUROPA CAUDATI?

Investigatione opinionum inter varias gentes Europae Occidentalis peracta patet viris Francogallis opus esse longissimis praeservativis sive condomiis, brevissimis autem Graeci utantur. Investigatio, qua rogati sint 10,5 milia virorum in 25 terris, mandata est ab Instituto Condomiis in Mercatura Consulendis, cui sedes in urbe Singen Badeniae-Virtembergiae Germanorum. Effectibus rogationis pateat in summa intermedia Francogallo opus esse praeservativis longitudine 15,48 centimetrorum, at Graeco tribus centimetris brevibus. Media longitudo Europaea sit autem 14,27 cm.

Sunt tamen, qui dicunt sine ullo dubio ex investigatione illa patere Gallis longissimum in Europa esse aut Priapum aut fortasse... linguam iactare se amantem.

Scripsit