LONGISSIMA BARBA MUNDI

Longitudine 189,5 centimetrorum barba civis Canadiani gentis Indicae Sarwan Singh longior est ipso eius possessore. Ut mensura barbae perfici posset, Singh mensulam scalis instructam ascendere necesse erat. Ter demum mensura a testibus facta, longitudinem barbae Libro Guinnessiano Extremorum inscribi licuit. Adhuc, ab anno 1977, palmam barbatissimi viri in orbe terrarum tenebat Indus quidam, cuius barba erat longitudinis "tantum" 183 cm.

Scripsit