BONONIAM EATIS HOROLOGIIS VERIS ORNATI!

Raptor fastidiosus

Calamitates re vera gregibus ambulare didicit aliquis peregrinator urbem Bononiam visens, cum noctu in hortis publicis huius urbis raptor quidam eum adortus est, qui vim adhibere minans ab eo horologium poposcit.

Nolens volens peregrinator horologio suo aureo, optimae notae Rolex, cui valde assueverat, vale dicere debuit sed, res vero mira!, quinque minutis postea ab eodem raptore denuo est incursus. Nunc raptor, indignatus, reddidit eum horologium, quod furatus erat, valde irata voce nuntians se falsa horologia minime collecturum esse.

Obstupefactus philotheoros ad biocolytas pervenit, rem totam narravit, cuius effectu... statim apprehensus est accusatus possessionis horologii falsi. Raptor autem incolumis evasit ac verisimiliter nova horologia vera in hortis publicis Bononiae colligere pergit.

Scripsit Stanislaus Tekieli

Scripsit Stanislaus Tekieli