d.19. m.Mart. a.2008, h.06:21 

QUINQUENNIUM BELLI IRACIANI

Georgium Bushium expeditionem defendere, adhortari Americanos, ut perferant et obdurent

Quamvis plus centum milia Iracianorum necnon quattuor milia militum Americanorum usque nunc vitas amiserint: Georgius Bush praesidens Civitatum Unitarum allocutione suâ in quintum anniversarium belli Iraciani habitâ expeditionem defendit contumaciter: "Haec est pugna, in quâ America vincere poterit et debebit."