Annus
2 0 0 8


LUCRETIA BORGIA IN AUSTRALIA REPERTA

LUCRETIA BORGIA IN AUSTRALIA REPERTA?

Pictura ignoti pictoris aetatis renascentiae, quae ab anno 1965 exhibetur in Nationali Pinacotheca Australianae Civitatatis Victorianae (NGV), putabatur adhuc monstrare aliquem iuvenem Italum. Nunc studiosi repererunt eam pictam esse posse a Dossso Dossi ac monstrare dilectam filiam papae Alexandri VI, Lucretiam Borgia, cuius nomen in historia Romae adhuc infauste sonat, quaeque mulier iussu patris nonnullos suos maritos amatoresque, viros politicos Italiae maximi tunc momenti, ad mortem adduxerit.

Si pictura re vera est imago Dossiana feminis fatalis Italiae finis XV, initii XVI saeculi - quod, investigatione chemica pigmentorum peracta, verum esse credit rector pinacothecae, Gerard Vaughan - eius pretium augere possit, secundum peritos, usque duo aut plures miliones dolariorum, praesertim quod nullam imaginem Lucretiae Borgia, quae sine ullo dubio eam monstret, ad tempus nostrum relictam esse.

Scripsit ANL



Retro ad:

Novissima editio
Summum paginae