Iona Indianensis et regnum crystallinae calvae

Post 20 annos redit in scaenam Harrison Ford partem agens Ionae Indianensis, praeclari illius archaeologi Americani, cuius casus vero ancipites iam ter secuti sumus, in pelliculis scilicet "Inquisitores arcae amissae" (1981), "Iona Indianensis et templum exitii" (1984) ac "Iona Indianensis et ultimum bellum crucis" (1989), dispositore scaenico Steven Spielberg, producente George Lucas.

Nunc sequimur casus archaeologi, aetate iam 65 annorum, ab anno 1957, in summo scilicet momento belli frigidi inter Occidentem et Unionem Sovieticam. Speculatores Russi, et imprimis specluatrix pulchra Irina Spalko (Cate Blanchett), cogere Ionam conantur pro se quarere fabulosam crystallinam calvam, quae reddat eius possessorem vim scientiamque infinitas. Archaeologo contingit de manibus Sovietorum effugere, sed mox ab US-Americana agentura speculatoria FBI proditionis false accusatus est. Eodem tempore abductus ab ignotis patratoribus est amicus Ionae, professor Oxley (John Hurt) necnon deliciae eius veteres, Marion Ravenwood (Karen Allen). Rebus ita stantibus Iona Indianensis una cum filio Marion, Mutt (Shia LaBoeuf), proficiscitur in Americam Meridionalem, ubi invenire calvam crystallinam sperat. Eius vestigia caute sequuntur speculatores Russi...

Scripsit Stanislaus Tekieli