LVDOVICVS TOLOSANVS

Innotuit quidem Ludouicus episcopus Tolosatium in Francia, uerum Tolosas ita non est, quemadmodum e. g. sanctus Irenaeus, qui non erat ortus Lugduno, et sanctus Antonius, qui Patauium venerat ex Portugallia. Ludouicus pertinuit quidem ad Francorum regiam familiam Andegauenorum, sed anno millesimo ducentesimo nonagesimo septimo (1297) natus est patre Carolo II, Neapolitano rege Normannoitaliae, fratre sancti Ludouici IX Francorum regis, et Maria Hungarica, pronepte sanctae Elisabeth.

Post naualem cladem patris, qui prope Neapolim pugnauerat cum Aragonensibus Hispaniae (1284), Ludouicus adulescens unâ cum duobus fratribus natu minoribus debuit obses ire in Gothohispaniam, ubi morandum illi erat annos septem. Quo tempore trium principum educatio concredita est aliquot Fratribus ex Ordine sancti Francisci eminentibus pietate atque doctrina, inter quos erat Richardus Mediauillanus et Petrus Ioannes Oliui.

Ludouicus eminebat non solum doctrina, sed etiam sanctitate et adeo admirabatur illos filio sancti Francisci, ut quondam graui morbo obrutus, sponte uouit se ingressurum esse in Ordinem Seraphicum, si coualuisset. Clericalem tonsuram obtinuit die primo Nouembris anno 1295 paulo post liberationem. Tum reuersus est Neapolim, ubi abdicaret suo iure successionis regalis in fauorem fratris sui Roberti.

Romae subdiaconus ordinatus est a papa Bonifatio VIII, Neapoli autem presbyter. Romanus Pontifex clarum illum piumque sacerdotem desiderauit constituere episcopum Tolosatium in Francia. Ludouicus quidem non renuit, sed prius ardenter uoluit fieri Frater Minor. Quod factum est die 24 mensis Decembris anno 1296, itaque in Vigilia Natiuitatis Domini, cum a ministro generali Ioanne Murrino uestitus est habitu sancti Francisci et, canonico dato sibi priuilegio, illico sollemnem emisit uotorum professionem.

Episcopus autem consecratus est ab ipso Bonifacio papa ad finem eiusdem mensis. Post diem 5 mensis Februarii, festum sanctae Agathae Catinensis (Catania), quae egregie celebrabatur utique in regno Neapolitano siue Vtriusque Siciliae, Ludouicus contulit se Tolosam uersus. Illic enituit miti sua indole multisque uirtutibus. Pater erat pauperum et pastoralis exemplar sollicitudinis. Qua re omnes quidem eum admirabantur, sed breuiter habuerunt, nam Ludouicus rediens ex Aragonia, ubi uisitauerat reginam sororem suam, captus est febri et breui mortuus est Brincolae, in oppido Prouinciae Francorum, die 19 mensis Augusti anno 1297, annos natus uiginti quattuor.

Scripsit Fr. Benedictus Huculak OFM