01Members of South Korea'
![](../admin/rubricae/files/bbc18grudnia2008-01.jpg)
Siphonibus ad incendia exstinguenda utentes parlamentarii
factionis regentis Coreae Meridionalis de praestantia suorum
collegas partis oppositae docebant. Agebatur de tractatu mercatus
liberi cum Civitatibus Unitis (USA) a regimine pangendo, cui
multi Coreani reclamant.
![](../admin/rubricae/files/bbc18grudnia2008-02.jpg)
Tali modo, in dorso aeroplani vectorii Boeing 747,
ponto spatialis Endeavour repetit domum, id est Centrum
Spatiale Kennedianum US-Civitatis Floridae, postqam de itinere
cosmico in desertum Californianum Mojave appulisset.
![](../admin/rubricae/files/bbc18grudnia2008-03.jpg)
Et corpus et mentem simul exercere videntur incolae urbis
Indicae Allahabad tempore matutino diei nebulosi.
![](../admin/rubricae/files/bbc18grudnia2008-04.jpg)
Christi arbor Pecchini Sinarum hoc anno curribus Mini
Morris ornatur.
![](../admin/rubricae/files/bbc18grudnia2008-05.jpg)
Non vero caute auscultant milites Sinenses sermonem
praesidentis Hu Jintao. Speramus ob hanc rem nullam iis poenam
datam esse.
![](../admin/rubricae/files/bbc18grudnia2008-06.jpg)
In ludo pilamalleatii (sive pilae paganicae) sunt qui pilas
malleo tundunt et qui eas manibus reperiunt. His interdum arbores
sunt ascendendae, ut evenit nuper tempore certaminis Volvo
Masters Bangkokiae.
![](../admin/rubricae/files/bbc18grudnia2008-07.jpg)
Hindi pii crinem ad tondendum praebent antequam preces dicere
incipiant ad deam Kanaka Durga in templo urbis Vijayawada.
![](../admin/rubricae/files/bbc18grudnia2008-08.jpg)
Simiolae sciurosae (ut dicuntur) Israelianae rapuisse videntur
nonnullas turbines nomine dreidel, quibus pueri Iudaei
ludunt tempore festi Chanuka.
![](../admin/rubricae/files/bbc18grudnia2008-09.jpg)
In pantopolio quodam regni Thaiorum puellae Nong Na contigit
maximo adhuc hominibus noto tempore, plus scilicet duarum
minutarum, scorpionem intus os tenere.
Scripsit ANL
|