Babae, qualis machina! US-Americanus inventor Gregory Dunham monstrat autobirotam sui novissimam nomine "Somnii Magni" (Big Dream), quae mox publice exhibenda sit in nundinis automobiliariis Essendiae Germanorum habendis.

Incensus ignesque artificiosi iam parantur ad celebrandum festum Tet seu noctem novi anni in urbe capitali Vietnamensium Hanoi.

Incredibile visu ac cogitu! Maryam Rajavi, ductrix politicae alae Iranici gregis Sacrorum Bellatorum Islamiae (Mujahedeen), memoriale holocausti Iudaeorum Berolinae visitat. Eodem tempore alii Bellatores Sacri Islamiae, Decanici scilicet gregis, non tam humile Mumbaiae Indorum se gerebant...

Crescentne haec structurae media in urbe capitali Indonesiae, Jakarta, usque finem? Minister rerum fiscalium, Sri Mulyani Indrawati, monet multa incepta sistenda fore, si crisis oeconomica globalis pergetur.

Crisis tamen minime visa est in area pilae paganicae Shenzheni Sinarum, ubi pilamalleator US-Americanus Brandt Snedeker ingenium suum ostentat.

In exhibitione tamen Londinensis Musaei Scientiarum maxime grata visitantibus videntur automobilia quam minimam copiam combustibilis haurientia, ut illud Nissanicum PIV02.

De difficultatibus oeconomicis iam praesentibus admonent quoque tabernae calceatoriae Londini. Sutores enim his diebus denuo mandata permulta accipiant, nam paupertate crescenti homines perones veteres potius resarciri velint, quam novos emere.

Etiam minus numerus peregrinatorum hodie Urbs Prohibita Pecchinensis attrahit, ludis olympicis finitis hominibusque minus pecuniae rei periegeticae assignantibus.

Quia reclamatores adbicationem regiminis Thailandiae poscentes aeriportum Bangkokiense Suvarnabhumi occuparint, centeni periegetes volatum exspectantes nil plus facere possunt quam dormire.

Regio Khost limitanea Afghano-Paksitana periculosissima est militibus US-Americanis, qui hic stipendium merentur bellatores Talibanos fugare conantes, licet a novissimae technologiae inventa, ut helicopterum Chinook, adiuti Americani sint.

Canis per aerem volans? Certe aut in somnio sumus aut in hortu publico Sophiae Bulgarorum.

Scripsit ANL