SPES NOVA CHIMIOTHERAPIAE

De novis contra tumores, nonnullis ex humi bacteriis, medicamentis sive remediis

Sorangium cellulosum, in humo scilicet bacterium est semper adens, quod uidetur etiam nouas in tumorum certamines moleculas gignere aptum quibusque, “epothilones” uocatis, quae uili pretio gigni possunt, immodica est contra tumores uirtus. Earum praeterea agendi modus est unicus nouusque cum, quas patientes aliorum remediorum se ostendunt, delere cellulas tumorum sufficerent. Hi effectus, a citerioribus studiis consecuti, Chicagi, a mense maii die XXX ad mensem iunii die III anno MMVIII, in Congresso annuale Americanae Societatis Oncologiae Medicae (anglice: American Society of Clinical Oncology – ASCO) quod in genere oncologico scientiae omnium euentuum est maior, exhibiti sunt, cui ferme XXX milia, ab orbe terrarum, plerique ab Italia, uenentes, medici necnon docti interfuerunt. Epothilones proteinam alligant in cellularum diuisione implicatam itaque tumorum progressus inhibetur.

In Congresso expectati euentus de nouo remedio contra iecoris tumorem etiam explanati sunt. Studia etiam in oncologicis centris italicis ducta sunt et si positiui erunt effectus, hoc remedium, ex anticorpore monoclonali, “sorafenib” uocato, factum, quo in Italia nonnulli iam contra renum tumorem utuntur, primam fieri quiret curam ad iecoris tumorem debellandum contra quem nunc adfirmata cura abest. Vehementer insuper effectus studio curarum consecuti, “destinatum” uocatarum, expectantur, quae plerarumque meliores putantur ut tumores debellarentur. Cum contra tumores remedia meliora fierent, neces, morbi causa, magnopere decreverunt.

Accedit ut docti, propria “destinata” super cellulas adentes, qua eas in tumores uertunt, agnoscere coeperant. In peiori uberis tumoris genere, molecula “her2”, exempli causa, quae processus coepit, destinatum est igitur quod plectendum est. Adeo hostes agnoscere est enim gradus praecipuus ut apta medicamenta excolerentur. Morbi hoc modo debellari siue saltem respirari queunt necnon cuiusque elementa discernere fas, itaque tumoris genus atque plectenda destinata aestimari possunt. Denique, non multum abesse uideatur, quin in tumores proelium uincatur, nempe existimo tota genera tumorum debellatum iri.

Scripsit Iosephus Zuccala, Rhegii Iulii, Solis die Nouembris IX, MMVIII