Incola Georgianae urbis Gori monstrat damna aedibus sui afflicta ictu aerio Russorum.

Fautrices Musulmanae Ligationis Pacistaniae gaudent nuntio de abdicatione praesidentis huius terrae Pervez Musharraf. Quod gaudium crustula se invicem praebendo eaque comedendo confirmare cupiunt.

Partes militum Vicingensium (Normanorum) agunt pueri e variis terris Europae venientes in oppidum Lanark Scotiae, ubi festum habetur "historiae vivae" (National Living History Festival).

Biocolyta civitatis Indicae Jammu-Kashmir (Casmiria) ingenia sua ostentat per circulum flagrans motoraeda saltando tempore diei nationalis Indiae in urbe Srinagar.

E somno subito excitatus est vulcanus Chaiten Chiliae meridionalis, espuens fumum in caelum ad altitudinem sex chiliometrorum. Geologi tamen credunt hunc montem ignivomum mox denuo obdormiturum.

Ecce lutra therotrophii Tokiensis Ueno ex aqua enatat, cibum petens.

Scripsit ANL