Octavo die perfecto,
Octavo die perfecto, ecce ordo nationum, qui plurima nomismata
Olympica sibi comparaverunt.
Fulguri similis, Usain Bolt cursum centum metrorum inopinate
vicit; post quintam partem secundi - numquam tantum intervallum
temporis factum erat - metam superavit secundus. Nemo tam
celeriter centum metra percucurrerat: novem secunda et
undeseptuaginta centesima tantum Jamaicani certamen protractum
est. Antequam metam superaret Usain Bolt bracchiis extentis
victoriam celebrare coepit, deinde manu pectus sibi percussit.
Coreana meridionalis Jang Mi-ran vicit certamen ponderum
sublatricum LXXV chiliogrammaton; quam conatu clamantem in
imagine conspicis.
Tam brevi intervallo interposito geminae ex Nova Zelandia
Georgina et Caroline Evers Swindell in remigum certamine
Germanicum et Britannicum paria superaverunt, ut iudices
photographemate tantum statuere potuissent quod navigium
praestitisset.
Valeriy Borchin Russus celerrimus fuit XX chiliometrorum
ambulatorum, quod spatium una hora undeviginti minutis et uno
secundo perfecit. Secundus fuit Perez Jefferson ex Aequatoria,
quattuordecim secunda tardior.
Scripsit Herimannus Novocomensis
| 
