L'
![](../admin/rubricae/files/8hp77.jpeg)
Puella Aethiopica Tirunesh Dibaba primum locum obtinuit in
cursu muliebri decem chiliometrorum, Turcicam Elvan Abeylegesse
et Americanam ex USA Shalane Flanagan praecedens.
![](../admin/rubricae/files/8hp77b.jpeg)
Tomasz Majoewski magno cum clamore exsultat postquam primum
nomisma aureum Poloniae comparavit, globum intervallo XXI
metrorum et LI centimetrorum reiciens. Quod certamen primum
athleticae levis perfectum est.
![](../admin/rubricae/files/8hp77c.jpeg)
Fratres Slovachi Pavol et Peter Hochschorner in lintrium
certamine praestiterunt: quibus hoc tertium nomisma Olympicum
est. Cechi Ondrej Stepanek et Jaroslav Volf et Russi Mikhail
Kuznetsov et Dmitry Larionov alterum et tertium locum
obtinuerunt.
![](../admin/rubricae/files/8hp77d.jpeg)
Michael Phelps, natator ex USA qui se tantum vorare quantum
viri quattuor dixit, sextum nomisma aureum Olympiorum
Pecchinensium adeptus est: nam velocissimus fuit ducenta metra
variis nandi modis transnans, Hungaricum Laszlo Cseh praecedens.
Scripsit Herimannus Novocomensis
|