Olympia Pecchinensia (
Olympia Pecchinensia (13 VIII)
Germanica Britta Heidemann laetatur quod Dacoromanam
adversariam Ana Maria Branza 15-11 vicit: Theodisci optime in
ludis gladiatoriis se gesserunt.
![](../admin/rubricae/files/8hp74b.jpeg)
Germanus Benjamin Kleibrink contra Japonicum gladiatorem Yuki
Ota sibi nomisma aureum comparavit.
![](../admin/rubricae/files/8hp74c.jpeg)
Post luctatorem Graecorum more Manuchar Kvirkelia,
etiam luctator Japonicorum more Irakli Tsirekidze Georgiae primum
locum comparavit; quem cum Algerino Amar Benikhlef certantem in
imagine aspicere potes.
![](../admin/rubricae/files/8hp74d.jpeg)
Federica Pellegrini Italica ducenta metra tam celeriter
transnavit, ut non modo nomisma aureum sibi compararet, sed etiam
huc usque brevissimum temporis intervallum ad transnationem illam
perficiendam egeret.
Scripsit Herimannus Novocomensis
|