Prima nomismata Pechini

Primo die Olympiorum Pechini habitorum, iam plurima nomismata aurea tributa sunt. Katerina Emmons, sclopetatrix ex Re Publica Cecha, primum sibi comparavit; Chen Xiexia ponderum sublatrix et Wei Pang sclopetatrix prima nomismata aurea Sinensibus tulerunt. Cursor birotarius Hispanus Samuel Sanchez Italicum et Helveticum adversarios devicit, quos omnes in imagine adposita aspicere potes.

In palaestra Japonica muliebri Dacoromana Alina Alexandra Dumitru, virili Coreanus meridionalis Minho Choi praevaluerunt; sed in gregibus pondere levissimorum certaverunt. Civitates America Unitae sibi tria nomismata in ensium certamine feminarum comparaverunt, quorum aurea Mariel Zagunis data est.

Scripsit Herimannus Novocomensis