Annus
2 0 0 8


01A group of giant pandas is fed at a zoo in Beijing,

Grex pandarum gigantearum requiescit Pecchini postquam e terrae motu afflicta provincia Sichuan in therotropheum Peschiniense advectae feliciter sunt.

Tale putant esse fautores vitae extraterrestrialis inveniendae corpus homunculi quod, credunt, ab US-Americanis militibus inventum esse anno 1947 in harena Neomexicana, cum navis cosmica incolarum coelestium in terram collapsa esset.

Primi huius anni aringi capti sunt in Mari Septentionali ac statim advecti in portum Scheveningen ad Hagam Comitum.

Aemulatio pueri cicionarumque in rebus adhuc bonis inveniendis in conditorio sordium regionis Indicae Gauhati.

Discum tenilusorium amisit tempore certaminis semifinalis French Open Gallus Gael Monfils contra Helvetum Roger Federer ludens.

Meridiatione paululum longiori solito fruitur hamaxarius quidam Indus tempore operistitii in urbe Calcuta habiti.

Quartum diem vitae in therotropheo urbis Colchester Britannorum agit catulus gepardi. Cuius tres fratres pro dolor statim post partum animam efflaverunt.

Ita piscem pro cena in piscina immersus capit Inuka, 18-annorum ursus marinus therotrophei Singapurani. Qui est solus in mundo ursus marinus in plaga tropicali natus.

Scripsit ANL



Retro ad:

Novissima editio
Summum paginae