Tribal people in the Indian state of Jharkand perform a ritual they believe will help bring rain.
ORBIS PICTUS
sive eventus praeteriti diei imaginibus a variis
agenturis diurnariis praebitis illustrati:
![](../admin/rubricae/files/stBBC001.jpg)
Aborigines Indicae civitatis Jharkand ritum sacrum agunt pro
imbribus adveniendis orantes.
![](../admin/rubricae/files/stBBC002.jpg)
Agricolae Coreae Meridionalis flammis delent effigies vaccarum
Americanarum, quia regimen Seuliae decrevit carnem bovinam ex USA
denuo esse importandam, quaestionibus ad sanitatem spectantibus
iam solutis.
![](../admin/rubricae/files/stBBC003.jpg)
Gigantea sculptura taeniolam cinematographicam monstrans
oritur in arena Ripariae regionis Gallicae occasione festi
cinematographici Cannesiani.
![](../admin/rubricae/files/stBBC004.jpg)
Mulier anula Sichuanensis, domo sui terrae motu deleta, dies
noctesque agit in aula ergasterii urbis Mianyang, ubi multi
homines tectu ob calamitatem carentes recipiuntur.
![](../admin/rubricae/files/stBBC005.jpg)
Circiter octoginta balaenae in arenosam oram Senegalensem
erraverunt, reditum in mare nescientes. Haec a hominibus servata
est, sed saltem viginti perierunt.
![](../admin/rubricae/files/stBBC006.jpg)
Tali modo proximo
die Lunae appellet, secundum imaginem pictoris cuiusdam, ad
planetam Martem percontatrum cosmicum Phoenix Administrationis
US-Americanorum Aeronauticae et Spatialis (NASA).
Scripsit ANL
|