Annus
2 0 0 8


PARLAMENTUM TURCIAE LICENTIAM DEDIT MULIERIBUS IN LOCIS PUBLICIS CAPUT OBTEGERE

PARLAMENTUM TURCIAE LICENTIAM DEDIT MULIERIBUS IN LOCIS PUBLICIS CAPUT OBTEGERE

Ricae in Bosporo triumphant

Parlamentum Turciae assensum est constituitionem terrae ita mutandam, ut liceret mulieribus in locis publicis, ut sunt exempli gratia universitates studiorum, capita ricis obtegere. Qui mos in terris islamicis communis stricte prohibebatur in Turcia, abhinc haec terra studiis dictatoris Ataturk annis vicenariis praeteriti saeculi saeculatizata est. Post primos conatus talem statum rerum mutandi, prohibitio anno 1997 constitutioni insripta est.

Nunc tamen effectu 403 votorum contra 107 vota parlamentum decrevit pro mulieribus ricis capita obtegere cupientibus. Causa propugnatorum constitutioni mutandae erat rebus ita ut hodie sunt stantibus multas puellas e familiis islamicis oriundas re vera non posse universitates aliasve scholas omnino intrare, nam propinqui earum non patiantur eas capitibus apertis aliquo in publico loco coram viris alienis ambulare aut sedere.

Contra emendationem legis iam reclamant tamen factiones oppositae partis, multi professores universitatum necnon duces exercitus - hi se ipsos ut vigiles saecularismi Turciae contra radicalem islamum semper adhuc putabant.

Nova lege admittendae sunt ricae, quae crinem tantum obtegant (ut in photographemate); ricae plenae, totum faciem velantes (chador) porro prohibeantur.

Secundum indagationem opinionum duae trium partes mulierum Turcarum ricis utuntur.

Scripsit Stanislaus Tekieli



Retro ad:

Novissima editio
Summum paginae