De terrae motu in Peloponneso exorto

Vehementi terrae motu die dominico percussa est multo mane tota Graecia: populus repente experrectus est, aedes funditus quassae sunt. Terrae studiosi putant perturbationem in regione Peloponnesi ad meridiem vergentem exortam esse, circiter quinquaginta chiliometra subter summa terra. Neque aedes ingentibus damnis neque vero homines vulneribus affecta esse narrantur.

Vis sismi sextum et dimidium gradum ordinis Richteriani attigit, ut instrumento quod "sismographus" appellatur in imagine adposita demonstrato compertum est, ergo per quadraginta secunda multis in vicis forti quassu timuerunt incolae plerumque dormientes sismumque etiam Calabri percepere.

Anno undebismillesimopostremum t sexto fere gradu terrae motu affecta erat Graecia: tum centum fere homines perierunt.

Scripsit Herimannus Novocomensis