|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
SCIENTIAE
DE CAELO IGNIS
Ante centum annos, 30 die Iunii 1908 anni hora 7:17 ante meridiem silvam Sibirensem prope ad flumen Tungusca tudit asteroides diametro verisimiliter 30-50 metrorum aut potius sphaera ignis, quam asteroides illud produxerat se displodens 5-10 chiliometris super terram. Circa 80 miliones arborum putantur a scientistis periisse tunc in superficie silvarum 2.000 chiliometrorum quadratorum. Ictus erat milies tantus ut displosio pyroboli atomici Hiroshimae aut Nagasaki anno 1945. Ventus ab eo ortus coegit homines etiam 60 chiliometris ab epicentro ictus remotis in terram se prosternere. Deo gratia regio haec Sibiriae orientalis densa silva cooperta rarissime a hominibus (ut praesertim gens nomadica Evencorum) habitata tunc erat. Astronomi putant simile periculum semper terrae imminere. Si asteroides tale terram tundens maius sit quam unius chiliometri in diametro, omnia vestigia vitae in planeta nostro timeatur deleturum. Scripsit Stanislaus Tekieli - 01/07/2008 00h19 . .
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34 Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
