|
|
|
SCIENTIAE
Ricercatori sudafricani hanno documentato i tentativi di accoppiamentotra un maschio di otaria e un pinguino reale.
 De amore sine finibus
Vitae studiosi universitatis Praetoriae, urbis Africae
meridionalis, singularem coitum in Terra Anctartica conspexerunt
et pellicula filmica impresserunt: arctocephalum (Anglice: Fur
seal) aptenodyten patagonicum (Anglice: King penguin)
amare conari. Hoc rettulerunt "Ethologiae Acta" (Journal
of Ethology).
Cum animalium studiosi in litore insulae Marion, haud longe a
Terra Anctartica, otariinas (Anglice: sea lions)
observarent, arctocephalum viderunt se in aptenodyten conicere
coitum temptantem: quem primum carnivorum, centum chiliogrammata
pondo, comedere velle putaverant. Sed arctocephalus se supra
infelicem, quindecim chiliogrammatum bestiolam, proiecit,
motusque sine ullo dubio amoris cupiditatem demonstrabant.
Frustra violatus se e magno aggressoris corpore se liberare
conabatur.Post quadraginta quinque minuta violator renuntiavit
seque in mare submersit, cum violatus incolumis quam celerrime
abiret: hoc mirum est, quod nulla cum difficultate bellua
victimam vorare potuerit.
Numquam antea unum ex mammalibus, vel praedatorem, avem amare
observatum erat.
Scripsit Herimannus Novocomensis - 08/05/2008 08h11
.
.
|
|
BREVES
Turcia. Relatores Turci XXII annorum poena damnati ob involucrum diurnarii, quod "ad seditionem excitavit". - 22/05/2017 23h42
Inter 160 et 200 bellatores Curdici mortui sunt die Iovis ob ictus aeroplanorum Turcicorum in boreali parte Syriae – nuntiaverunt duces exercitus Turcici. Bellatores autem Curdici maximi socii sunt US-Americanorum contra Califatum Islamicum pugnantium. - 20/10/2016 13h34
Shimon Peres, princeps Israelianus, qui anno MCMXCIV Praemio Nobeliano pro pace exornatus fuit, agens nonagesimum quartum annum aetatis obiit. - 03/10/2016 18h31
VIDE ETIAM
|
