Varsoviae nata
per rete divulgata
ad omnia scitu digna spectans

Martis die 19 mensis Martii 2024
AD NOVAM SEDEM:


Hae paginae nunc caducae sunt. Novam sedem Ephemeridis visitate, HIC:



Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Matterae
In Tempore "Coronario"
Cultura
Historia
Biographiae
Cinemata
Libri
Cultus Civilis
Poesis
Ellenica
Gnomon
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Detector Vacca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2021
Annus 2020
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

SANCTUS

FAUSTUM NUNTIUM SECUNDUM MARCUM (Cap.III)

III. Introivit iterum in congregationem. Erat ibi homo habens manum aridam;

2 et observabant eum, num sabbatis esset illum curaturus, ut accusarent eum.

3 Dicit homini habenti manum aridam: ‘Surge in medium’.

4 Dicit eis: ‘Licetne sabbatis bene facere an male? Animam salvare an perdere?’. Illi vero tacebant.

5 Circumspectis eis cum ira, contristatus prae caecitate cordium eorum, dicit homini: ‘Extende manum’. Extendit, et restituta est manus eius.

6 Egressi pharisaei statim cum Herodianis consilium faciebant adversus eum, [deliberantes] quomodo eum perderent.

7 Iesus cum discipulis suis secessit ad mare. Multa turba ex Galilaea secuta est [eum] et ex Iudaea

8 et Ierosolyma et ex Idumaea; et ei, qui trans Iordanem et circa Tyrum et Sidonem [incolunt]: multitudo magna, audientes ea, quae faciebat, venerunt ad eum.

9 Dixit discipulis suis, ut navicula sibi praesto esset propter turbam, ne comprimerent eum.

10 Multos enim sanavit, ita ut quotquot habebant plagas irruerent in eum, ut illum tangerent.

11 Spiritus immundi, cum illum viderant, procidebant ei et clamabant dicentes: ‘Tu es Filius Dei!’.

12 Vehementer comminabatur eis, ne manifestarent ipsum.

13 Ascendit in montem et advocat ad se eos, quos ipse voluit; et abierunt ad eum.

14 Fecit Duodecim, ut essent secum, et ut mitteret eos praedicatum,

15 et ut haberent potestatem eiciendi daemonia.

16 Imposuit Simoni nomen Petrum;

17 et [vocavit] Iacobum Zebedaei et Ioannem fratrem Iacobi, et imposuit eis nomina Boanerges, quod est Filii tonitrui;

18 et Andream et Philippum et Bartholomaeum et Matthaeum et Thomam et Iacobum Alphaei et Thaddaeum et Simonem Chananaeum

19 et Iudam Iscarioth, qui et [postea] tradidit illum.

20 Venit ad domum; et convenit iterum turba, ita ut ne panem quidem possent edere.

21 Cum audivissent sui, exierunt ut prehenderent eum; dicebant enim: ‘In furorem versus est’.

22 Scribae, qui Ierosolymā descenderant, dicebant: ‘Beelzebulem habet’ et: ‘In principe daemonum eicit daemonia’.

23 Convocatis eis, in collationibus dicebat illis: ‘Quomodo potest satanas satanam eicere?

24 Si regnum in se dividatur, non potest stare regnum illud;

25 et si domus in semet dispertiatur, non poterit domus illa stare.

26 Si satanas surrexit contra semet et dispertitus est, non potest stare, sed finem habet.

27 Nemo autem potest in domum fortis ingressus vasa eius diripere, nisi prius fortem alligaverit; et tunc domum eius diripiet.

28 Vere dico vobis: Filiis hominum dimittentur omnia peccata et nefaria dicta, quibus nefarie dixerint;

29 sed is, qui nefarium dixerit in Spiritum Sanctum, non habet remissionem in aeternum, sed reus est aeterni delicti’:

30 quoniam dicebant: ‘Spiritum immundum habet’.

31 Venit Mater eius et fratres eius, et foris cum stetissent, miserunt [aliquem] ad eum, vocantes eum.

32 Sedebat circa eum turba, et dicunt ei: ‘Ecce Mater tua et fratres tui et sorores tuae foris quaerunt te’.

33 Respondens eis dicit: ‘Quae est mater mea et fratres mei?’.

34 Circumspectis eis, qui in circuitu eius sedebant, dicit: ‘Ecce mater mea et fratres mei.

35 Qui enim fecerit voluntatem Dei, is frater meus et soror mea et mater est’.

Scripsit fr.Benedictus Huculak OFM - 27/06/2017



.

.

  UTILIA

Bibliotheca Augustana
The Latin library
Latinitas Romana Salesiana
Poesis Latina Hodierna

  VARIA

  SCRIBE NOBIS

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: