|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
SANCTUS
HVBERTVS LEODIENSIS
Puer et adulescens Hubertus in schola cathedrali fuit discipulus Lamberti episcopi Traiectani, cui postea succesit in exercendo munere pastorali. Hubertus in primis curauit Lamberti corpus transferendum in nouam ecclesiam sub eius nomine aedificatam Leodii (a Liege) in urbe antiqui Belgii. Hunc cultum Hubertus permagni habuit, nam Lambertus martyr occubuerat caesus a paganis, qui adhuc multi erant in illa regione, praesertim citra Rhenum in Frisiis. Magnum igitur opus perficiendum sibi assumpsit Hubertus, nempe euangelium nuntiandum in Brabantia et in partibus Arduennae siluae. Leodium uero, una cum sanctuario sancti Lamberti, factum est Huberti urbs praedilecta, qua re aliquanto post, anno fere septingentesimo septimo decimo illuc transtulit etiam ipsam sedem episcopalem ibique mortuus est post annos decem. Corpus eius in ecclesia cathedrali sepulcro conditum, post annos sedecim cumeleuatum esset, inuentum est non solum integrum perinde ac uestimenta, sed etiam gratam iaciens fragrantiam. Tunc eius reliquiae translatae sunt in ecclesiam sanctorum Petri et Pauli. Illarum pars tamen collocata est in oppido Andage, quod octoginta annis post appellatum est nouo nomine Sancti Huberti (Saint Hubert). Huberti cultus dilatatus est in Europa Latina, sed ualde creuit postea, cum huic episcopo appropriata esset narratio, quae prius tradebatur in descriptione uitae sancti Eustachii, iuuenis aulici regis Francorum, qui adhuc pagani erant. Eustachius tradebatur inter quandam uenationem uidisse ceruum ornatum luminosa cruce posita inter cornua, qui modo mirabili ad aulicum dixit, ut relinqueret cultum paganum et uanitates saeculi, adhaereret autem Deo uero. Haec narratio, cum transisset ad Hubertum, effecit ut ille communiter acciperetur patronus uenatorum. ortae sunt etiam, in primis in Belgio et Francia piae fraternitates sancti Huberti, quarum unius particeps fuit uel Francorum rex Ludouicus XIII, illuc inscriptus anno millesimo sescentesimo undetrigesimo (1628), itaque tempore, quo in Europa uehiculum altioris culturae fuit adhuc lingua Latina. Scripsit frater Benedictus Huculak OFM - 12/11/2009
. .
|
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
Praeclarus episcopus
Leodiensis (de Liege) Hubertus natus est circa annum
sescentesimum quinquagesimum quintum (655) in Frisiorum urbe
Traiectum (Maastricht) ad Mosam (Maase) flumen
sitâ, distinguendâ uero ab Vltraiecto (Utrecht), quod
ultra flumen Rhenum est.
