|
Varsoviae nata |
|
Homo sum humani nihil a me alienum puto. |
| Lunae die 8 mensis Septembris 2008 | ||
Latine
journal de bord en latin.
Hic invenies 5 ultimos nuntios hujus blog. Si tibi placet et si ceteros nuntios et alia hujus blogi inspicere cupis, vade ad http://pastrix.canalblog.com/ vel preme in quemdam nuntium.
De etymologiis Isidorianis
<p>His diebus Etymologiarum librum Isidori Hispalensis evolvebam, cum forte inveni haud paucas ‘margaritas’ (ut Gallice vocantur verba vel sententiae in scriptis quibusdam repertae in quibus aliquid mirabiliter subridiculum videtur) ex quibus nonnullas excerpsi , non quidem ad deridendum illum illustrissimum virum,— inter doctissimos aetatis suae numeratum—, sed ad demonstrandum quo ineptiae ignorantia principiorum etymologicae scientiae (saeculo undevicesimo demum constitutae) etiam doctissimi viri olim deduci potuerint. <br />De Grammatica :<br />'Litterae' dictae, quasi legiterae (‘leg-iter-ae’), quod 'iter legentibus' praestent, vel quod 'legendo iterentur'<br />'Oratio' dicta quasi 'oris ratio', nam orare est loqui, et dicere. Est autem oratio contextus verborum cum sensu. Contextus autem sine sensu non est oratio, quia non est oris ratio.<br />'Verbum' dictum, eo quod 'verberato' aere sonat, vel quod haec pars frequenter in oratione 'versetur'.<br />'Carmen' vocatur quidquid pedibus continetur ; cui datum nomen existimant, seu quod 'carptim' pronuntiaretur, (unde hodie lanam quam purgantes discerpunt, 'carminare' dicimus), seu quod qui illa canerent 'carere mente' exstimabantur.<br />De Mathematica: <br />Dicti 'decem' a Graeca etymologia, eo quod ligant et conjungant inter jacentes numeros. Nam δεσμεύειν (desmeuein), conjungere, vel ligare dicitur.<br />Porro 'viginti' dicti, quod sint decem 'bis geniti', v, pro b littera posita<br />'Centum' vero vocati a 'cantho', quod est circulus… 'Mille' autem a 'multitudine', unde et 'militia', quasi 'multitia', inde et 'milia', quae Graeci, mutata littera μυρία (muria) vocant.<br />De Musica :<br />'Calamus' nomen est arboris proprium, a 'calendo', id est fundendo voces, vocatus.<br />'Fistula' autem dicta, quod vocem emittat. Nam Graece 'phos' vox , 'stola' missa appellatur.<br />'Chordae' autem dictae a 'corde' , quia sicut pulsus est cordis in pectore, ita pulsus chordae in cithara.<br />De Astronomia :<br />'Mundus' est appellatus, quia semper in 'motu' est.<br />'Coelum' … vocatum hoc nomine, eo quod tanquam vas 'coelatum' impressa habeat signa stellarum.<br />'Sol' appellatus, eo quod 'solus' appareat, obscuratis fulgore suo cunctis sideribus<br />'Stellae' dicuntur a 'stando', quia semper fixae 'stant' in coelo, nec cadunt<br />'Triones' proprie sunt boves aratorii, dicti eo quod 'terram terant', quasi 'teriones'.<br />Dictus 'Orion' ab' urina',id est ab inundatione aquarum</p><p>Hactenus vobis illa pauca exempla etymologiarum Isidori Hispalensis, (quae vobis lectu non nimis molesta fuisse spero), quarum tamen ipse non semper est auctor vel inventor, nam pleraque apud grammaticos anteriores invenit, ut Priscianus, Sergius, Servius, et alii.</p><p>Valete, optimi lectores et lectrices, ad proximam hebdomadem<br />Pastrix</p><p></p> (Sat, 06 Sep 2008 17:28:46 GMT)
Reditus ad Urbem
<p></p><p>Hodie tandem rure reversus sum ad Urbem meam amatam. Qua cum voluptate agnovi odores, strepitum, autocinetorum birotarumque concursum, festinanter praetereuntium agitationem, turrim Eiffelianam nunc jam non albo, sed caeruleo colore illustratam (colore nempe vexilli Europae, cujus Gallia jactat se praesidem esse his sex mensibus, quod nemini ignorare licet, nam Caudex noster et tempestive et intempestive id commemorare non desinit), quid quaeris ? imaginem mundi vivi, quam dissimilem eorum quae ruri oculis et sensibus occurrunt : montes, valles, herba, vaccae (mugitusque boum !), avium cantilenae , gallinarum pipulus, vesparum apumque bombus, agricolae (non tam fortunati quam ii quos depinxit Vergilius), totam illam rerum naturam quam tam studiose poetae cecinerunt quorum plerique tamen in urbibus, haud procul a domibus principum qui eos tuebantur et sustinebant, vivere plane malebant. Mihi per viculum ubi hac aestate habitabam ambulanti vix unus aut alter homo in die toto occurrebat, cum in urbe tanta multitudo me circumdet, vestibus variis, habitu vario, omnibus linguis utens, quae efficiat ut me sentiam atomum simplicem in corpore ingenti quod est humana gens, contemporales mei, haud minus quam ego morituri . <br />Vale, rus ! Urbs, ave !<br />Valete, optimi lectores lectricesque, ad proximam hebdomadem<br />Pastr<br /> <br /></p> (Sun, 31 Aug 2008 21:59:43 GMT)
Mula et Musca
<p>Mula et Musca</p><p>Musca in temone sedit, et Mulam increpans :<br />“Quam tarda es ! inquit : non vis citius progredi ?<br />Vide ne dolone collum compungam tibi.”<br />Respondit illa : verbis non moveor tuis ;<br />Sed istum timeo, sella qui prima sedens<br />Jugum flagello temperat lento meum,<br />Et ora frenis continet spumantibus.<br />Quapropter aufer frivolam insolentiam :<br />Nam ubi strigandum, et ubi currendum sit, scio.”</p><p>Hac derideri fabula merito potest<br />Qui sine virtute vanas exercet minas.</p><p>Quis, vos rogo, hanc Phedri fabulam legens, animo non fingit Muscae partes agi a Caudice, Mulae a populis Europaeis, Mulionis a Frutice ? Miserum Caudicem , qui, indefessus ardelio,(a qua musca ipse punctus ?) huc illuc per totum terrarum orbem currit, et cogitat se omnia difficillima problemata solvere posse, unum reprehendendo, alterum objurgando, tertio etiam minando, quasi veram potestatem haberet quicquam mutandi apud alios, quippe cui apud suos nihil adhuc unquam bene successerit ! Derideri merito potest, et revera deridetur ab omnibus. Et tu, Gallia, nonne te paenitet a tali ardelione regi ? “ Bono sis animo, inquis. Ei enim quattuor tantum anni et dimidius supersunt in potestate ”. Certe, sed si tempus praeteritum respicis, et quot quantaeque ineptiae jam ab isto commissae sint numeras, quomodo futura non timeas ? Utinam vero ridiculum tantum se praebeat, nam, is quem vidimus in Afganiam, sponte sua, novos milites Gallos ad caedem mittere (quod tamen publice, adhuc candidatus, prorsus recusaverat) , periculosissimus belli fautor vel adjutor saltem fieri potest !</p><p>Valete, omnes lectrices lectoresque, ad proximam hebdomadem</p><p>Pastrix<br /></p> (Sun, 24 Aug 2008 15:39:24 GMT)
Philosophia ? Religio ? Superstitio ?
<p><br />O hospitem mihi tam gravem ὰμεταμέλητον ! Sic scribebat Cicero ad Atticum de Caesare qui in villam suam deverterat. Iisdem fere verbis Galliae liceret describere hospitem suum qui his diebus terram nostram perlustrat, in variis locis templa ad religionem suam pertinentia consecrans vel visitans. Religionem suam, inquam, quanquam multi sunt qui Buddhismum negent esse religionem quia in ea nullum deum esse credatur, malintque eum appellare philosophiam vel modum (beate) vivendi, pace interiore fruendi, nunquamque renascendi, nam Buddhistae feruntur credere eundem hominem compluries nasci, mori, et iterum renasci, donec tam purus et omnibus vitiis purgatus fiat ut mereatur ut ad nihilum (quod vocant ‘nirvana’, quasi paradisum negativum !) redigatur. <br />At tamen perdifficile est non vocare religionem illorum rituum congeriem quibus fideles colunt monachos et praesertim eorum supremum ductorem quem Buddham vivum esse credunt, quia annos tres natus ad hoc munus, non democratico, sed potius monachocratico modo electus est.<br /> Religio ? Cur non superstitionem dicamus ? Cum audiamus in uno ex templis eorum in Gallia nuper instructis inveniri molam quamdam ingentem precatoriam pondo valentem tria milia chiliogrammatum ! Quot et quam graves preces in hac mola volubili enormi contineri debent ! Sed, inquies, ad quem deum, ad quam deam, ad quod denique numen talis ponderis preces diriguntur, si, ut dicunt, Buddhismus est religio sine deo ? <br />Iterumne illud : Credo quia absurdum ? <br />Valete, optimi lectores lectricesque, ad proximam hebdomadem<br />Pastrix<br /></p> (Mon, 18 Aug 2008 14:50:00 GMT)
EPIGRAMMA
<p>CITIVS ALTIVS FORTIVS</p><p>In ludis Olympiacis Athleta novus stat , <br /> -Gallus Caudex est , nullus eo CITIOR :</p><p>Hinc illuc currit quasi punctus ab oestro,<br />-Isti nulla quies : ludio mobilis est. </p><p>ALTIVS autem quis se extollere possit eo qui <br />-Surrectis soccis grandior ingreditur ? </p><p>FORTIOR est etiam Caudex quam quilibet alter :<br />-Caecilia amissa non piguit Carolae</p><p>Nil igitur CITIVS, nil FORTIVS, ALTIVS illo <br />-Caudice, digno qui maximus histrio sit. </p><p>Pastrix <br /> <br /> <br /></p> (Sun, 10 Aug 2008 15:22:48 GMT)
NUNTII