|
Varsoviae nata |
|
Homo sum humani nihil a me alienum puto. |
| Lunae die 8 mensis Septembris 2008 | ||
Reginaldus
Quomodo K. Mercatorius Bruxellensis in Francogallia supersit
Hic invenies 5 ultimos nuntios hujus blog. Si tibi placet et si ceteros nuntios et alia hujus blogi inspicere cupis, vade ad http://renaudmercier.blogspot.com/ vel preme in titulum cujusdam nuntii.
- Post reditum
Tue, 08 Jan 2008 12:18:00 +0000
Aliquot dies in Germaniam secessi nec citius ad vos revenire potui!
Utinam solstitio appropinquante profiterer ut dies ille gaudio maximo vobis, amicis causae latinae, et religiosis et incredulis esset!
Haud serius tamen (si quidem citra mensem mos est pronuntiare) vota facere mihi licet ut annus hic vobis cunctis et felix et beatus sit!
Valete! - De secreto medicinali
Tue, 04 Dec 2007 16:55:00 +0000
Septimanis citius praetereuntibus, dies Martis novus mihi minatur in eâ popinâ sedenti ubi libellum istum componere soleo. Hodie tamen tempus, ut dicam, ex conscientiâ fugit, nec mihi praesto fuit ulla materia disserendi! Nihilominus vobis recentem animi motum fatebor...
Citra menses II, Francogallicis magistris, vacare anno proximo cupientibus, poscendum erit ut cessatione laborandi temporariâ fruantur. Uterque sine morâ petitionem misimus ut, liberati ex officiis, in Islandiam transiremus.
Forsan vero nescitis filium meum, maiorem natu, levi debilitate animi laborare atque ob id in scholâ aptiore studêre. Parentes autem in Francogalliâ talem docendi vacationem iure adipisci possunt eâ condicione ut liberi quâdam infirmitate laborent. Addam quoque quod quamdiu vacatur, tamdiu nulla pecunia accipitur.
Quâre Rectori scholastico diploma publicum misi quo filius meus in scholâ aptiore inscriptus esse probaretur. Paucos post dies mihi responsum est ut diploma medicinale insuper adiungerem quo "natura curationis puero adhibitae" explanaretur!
Quam temere secretum medicinale despicitur! Numquid illorum interest quo morbo filius meus laboret ac quo modo sanetur, siquidem demonstravi eum ex consilio publico dimissum esse in scholam aptiorem?
Nec destino tale monstrum comparare, etiamsi officio patroni mihi utendum fuerit...
Haec fuit mihi iracundia recentissima! - Pro tantâ civilitate
Tue, 20 Nov 2007 14:20:00 +0000
Cum per partes septentrionales Islandiae vehiculo conducticio circumveheremur, caelum subito imbre obumbrari coeptum est. Paulo post homines duos in tantâ pluviâ conspeximus qui praeter viam raedariam aegre progrediebantur eosque in vehiculum recipere non dubitavimus. Nobiscum sedentes explanavere se Hispanos esse ac per Islandiam pedibus iter facere. Ut primum tempestas remissa est, gratiis actis redditisque mutuis salutibus secessimus hi ad septentrionem, nos ad occidentem. At cum Husavik adiimus, ablatis e sedibus posticis sarcinis, animadvertimus unum e convectorum ibi saccum amisisse. Intus diploma personale pluresque chartas pretiosissimas invenimus.
Extemplo ad vigiles civiles ruimus haec omnia tradituri, nec, ut vera dicam, credebamus convectorem nostrum prius repertum iri quam conaretur ut insulam relinqueret... Nec satis repetam quam Islandia regio non modo parva sed egregia quoque sit: cum pararemus in Francogalliam redire ac diem ultimum eius mirabilis peregrinationis terentes lacum thermalem in aperto situm prope Reykjavik petivissemus ut in undis calidis nebulosisque lavaremur, Hispanis duobus obviam iimus! Nobis statim statim agnitis confessi sunt postero die quam saccum amisere, vigiles se repperisse ut diplomata sibi redderent.
Ante unam horam quam in aeroplano consedimus (an quâ fortunâ iuvante?), vigiles Husavik nobis telephonavere ut nos certiores facerent diplomata restituta esse nobisque congratularentur pro "tantâ civilitate".
Hoc causis addatur cur Islandiam admirer!
Valete, amici! - Quam ob rem lingua Islandica aequalitati utriusque sexûs faveat.
Tue, 13 Nov 2007 17:14:00 +0000
Nobis emigraturis magnae curae est linguam Islandicam discere. Idcirco libris utimur quibus cotidie studemus, ac, ab initio anni scholastici, ne unam quidem lectionem omisimus. Praeter necessitatem laboris illic inveniendi altera causa studii nostri facile reperiri potest: philologi sane novam materiam linguisticam explorare gaudent... Aliquid novissime compertum vobis ostendere cupio.
Etsi sectator feminismi non esse videor cui alioquin non obsto, tamen offensam haud parvam a pueritiâ ex eâ lege grammaticâ concepi unde, in nonnullis linguis romanis, cum nomina masculina feminaque unâ coeant, adiectiva flexioni masculinae subigantur.
At nihil simile in Islandico invenietis ubi adiectiva vel pronomina in coniunctione feminini masculinique generi neutri cogi solent!
An haec partim sit causa reperienda cur nationes Nordicae citius quam nostrae ad aequalitatem virorum mulierumque progrediantur?
Valete! - Cur silentio longiore erga vos abutar.
Fri, 09 Nov 2007 20:27:00 +0000Diu, immo vero diutius, procul a vobis remansi! Certe, nuper, sicut plerisque magistris, mihi fuerunt cognoscendi discipuli novi: me tamen decet fateri proniorem in negligenda officia fieri cum totus in scholasticis arripiar.
At aliquid novi hoc anno evenit quo tempus omne mihi subripiatur: consilium grave ac, ut dicam, quâdam vesaniâ promotum concepimus.
Proximo anno Francogalliam relinquemus ut in Islandiam migremus...
Totum enim per mensem septembrem formositate eius regionis penitus commoti, aestimare coepimus quantum nos in Francogalliâ manêre taederet! Laboris studium, amor urbis nostrae, quodcumque dilexeramus, subito nullius pretii fiebat. Dum haec meditamur, glacie crateribusque vocabamur, quibus etiamnunc tantumdem attrahimur.
Inter taedium remanendi ac proficiscendi illecebras haesitantes nimis dolemus: interruptionem laboris petimus fortunam temptaturi sub Arctico!
Una cum liberis mense Augusto abibimus...
Vos sane certiores faciam quomodo consilium in res ipsas versuri simus!
Valete! - De Hangzhou sive cur in Islandiam ierimus
Thu, 30 Aug 2007 19:22:00 +0000
Nobis mundum lustrantibus homines obvii saepe plus valent quam loca ipsa. Hoc si in proverbium transiret, facile, ut opinor, narratione illâ illustraretur. Sicut autem videbitis, promissa non exsolvere nequeo: ad vos redeo plura de Ultimâ Thule narratum. Hodie pro exordio vobis explanare cupio cur multis hominibus solem petentibus nos tamen in longiquam insulam secesserimus.
Anno proximo ego Nicolausque cum apud Seres peregrinaremur, in urbem Hangzhou venimus Lacum Occidentalem visuri. Ibi alter ab altero paucas horas discedere statuimus ut illic Nicolaus tabernas venaliaque conspiceret, hic ego pedes tractatori palpandos committerem. Huius generis curationes, ut vera dicam, mihi adhiberi eo magis placet quod interea cum loci incolis sinice colloqui mihi datur.
Quae cum fierent, urbs tota confestim tantâ tempestate mersa est ut non iam in aperto ambulari posset. Postquam paulisper in officinâ exspectavi dum imber desineret, magnâ cum celeritate in deversorium regredi coepi. Paulo post, Nicolaus adiit iuvene faciei occidentalis comitatus. Tunc mihi narravere se caelo adverso salutem in fugâ petituros in Starbucks thermopolium simul intrasse. Utrumque linguae Sinicae inscios sed Britannicae expertos eo facilius circum eandem mensam consedisse quod ambo soli occidentales essent. Tanta statim crevit inter nos concordia ut vesperi in thermopolio unâ cenaverimus. Illic dum comedimus, iuvenis, Kristinn vocatus, praefatus se in Islandiâ natum esse, in Sinam venisse ut linguam mandarinicam disceret ac se maxime eius solitudinis taedere quae classibus nondum apertis sibi patienda esset, manu turbam Serum quoquoversus meantium monstravit: "Saepe, ait magno cum suspirio, in Starbucks thermopolio ubi me nactus es, me recreo: opus est mihi quiete, quae vix hic invenitur... Quippe qui sinice parum loquar, nullo homine, ut ita dicam, utor... Vos estis, utinam mihi credatis, primi quibuscum a diutino verba faciam." Deinde, de Islandiâ nobis loqui coepit: historiam, populum, linguam, oeconomiam, nullam materiem omisit.
Dum unumquidque honestâ superbiâ explanat, nationem suam tanto cum patriae amore, tanto cum studio per sermonem, immo vero per demonstrationem, praebuit ut illico nobis orta sit cupiditas Islandiam oculis nostris contemplandi.
Qui amicus noster fiebat, is post paucos dies se nobis comitem sociavit Shanghai redituris. Cuius urbis mirabilia Kristinno ostendimus necnon quosdam amicos tradidimus. Unde evenit ut nos in artiorem amicitiam concilaverimus. Cum vero tempus proficiscendi urgeret, Kristinno promisimus ut in Islandiâ eum visitaremus.
Promissum citra annum exsoluimus!
Valete! - De reditu
Mon, 27 Aug 2007 10:25:00 +0000
Reginaldus amicis omnibus s.d.Paucos citra dies feriae finierint quas vos iucunde egisse spero. Ego Nicolausque, sicut fortasse scitis, unionem civilem mense Iulio contraximus.
Posteaquam cum liberis per unum mensem in Francogalliâ peregrinati sumus, soli nuptialis peregrinationis causâ in Islandiam - Ultimam Thulen - transvolavimus.
Ibi duas septimanas mansuri vehiculum conduximus ut viam 'primam' dictam sequendo per totam insulam circumveheremur.
Itaque destino vobiscum aliquotiens memorias opinionesque de hoc itinere communicare.Valete! - De urbibus ubi nihil fieri possit...
Wed, 08 Aug 2007 11:50:00 +0000
His feriis aestivis aliquot dies in montibus agere statuimus. Ideo Nicolai collega nobis domum prope urbem Epinal sitam locavit. Vicus ipse, La Bresse vocatus, ab viatoribus haud paucis frequentatur. Nobis paucos dies iam ibi deversatis venit in mentem regionem inspicere. Itaque a.d. XVI kal. Aug. urbem Epinal cum liberis nostris profecti sumus ut planetarium inviseremus. Quo cum adivimus, intrare nequiimus quod locum inire nonnisi turmis viatorum liceret. Item cum in Museum Imaginum Conficiendarum penetrare cuperemus, propter eamdem causam recusatum est ne ingrederemur. Deinde ubi tempus gustandi appropinquavit, tempestate gratissimâ sorbitiones gelidas pueris emere voluimus. Nec magis contigit ut compararemus: caupo quidam affirmavit nos serius adire quam ut sorbitiones pararet! Scilicet quarta hora urgebat...
Postea pueris morae impatientibus nos tulimus ad priscum castellum quod in summâ urbe instar arcis situm est. Quo in loco sues cervosque in saeptis inclusos vidimus... Insuper moniti sumus onagros cunctos modo interiisse.
Tunc La Bresse revecti, de hoc die recogitare coepi: Epinal sane mihi recordanti esse urbem patet ubi nihil fieri possit - ac onagris ne superesse quidem! - Feriae adsunt!
Wed, 11 Jul 2007 08:59:00 +0000
Nuntios per ferias non publicaturus sum: septembri mense reveniam!
Valete, omnes! - All you always wanted to know about defiscalisation!
Wed, 04 Jul 2007 14:01:00 +0000
Ils sont beaux (surtout Nicolas)! Ils sont minces (surtout Nicolas)! Ils sont jeunes (surtout Nicolas)! Et effroyablement superficiels (surtout Nicolas)!Ils vous attendront ce vendredi 6 juillet 2007 à partir de 20 heures à Soficcino pour célébrer le plus beau jour de LEUR vie! (Avec l'allongement des années de cotisation, on n'est pas sorti de l'auberge: merci, Monsieur le Premier Sinistre pour la réforme des pensions de réversion. Ceci dit, on est pour, on assume).Adresse: 4 place Louise de Bettignies à Lille (en France, car, ensemble, tout devient possible).Possibilité de faire vandaliser votre voiture dans le parking du Peuple Belge, ou d'entreposer votre progéniture chez notre baby-sitter (ne pas oublier d'alimenter l'horodateur). Attention à la circulation un peu dense le vendredi soir: tant pis pour vous - il suffisait de refuser. Ah! Oui! La rue de Gand est fermée à la circulation.PS: Martine, reste chez toi!
NUNTII