Varsoviae nata
per rete divulgata
ad omnia scitu digna spectans

Lunae die 21 mensis Octobris 2019
Prima
Nuntii
Acta
Crater nugarum
Miscellanea
In orbe
Politica
Scientiae
Valetudo & medicina
Athletica
Oeconomia
Homines
Socialia
Percontatio
Religio
Opiniones
Insolita
Chronicae
Epistula Leonina
Sanctus
Cultura
Historia
Biographiae
Cinemata
Libri
Cultus Civilis
Poesis
Ellenica
Otium
Ars vivendi
Periegetica
Crucigramma
Hebdomada aenigmatum
facetiae
Fabulae
Holmesiaca
Narrationes
Superbia & odium
Crabatus
Varia
Vita Latina
Textus varii
Scholastica
Epistulae lectorum
Tempestas
Qui simus
Archiva
Annus 2019
Annus 2018
Annus 2017
Annus 2016
Annus 2015
Annus 2014
Annus 2013
Annus 2012
Annus 2011
Annus 2010
Annus 2009
Annus 2008
Annus 2007
Annus 2006
Annus 2005
Annus 2004

RELIGIO
De Sanctissima Trinitate

De Sanctissima Trinitate

Nostris diebus videtur valde vigere atheismus vel etiam agnosticismus, ubi Deus a populorum et personarum consiliis amovetur; at nobismet quis est Deus? Estne rerum creator supremus, quem timere debeamus? An est Pater sive Frater misericors, qui velit cuique nostrum vitam plenam donare? Verene credimus in talem Deum, quamvis eum intellegere minime possimus? “Deum nemo vidit unquam: Unigenitus Filius, qui est in sinu Patris, Ipse enarravit” (Io 1, 18).

Deus non statim sed paulatim hominibus se praebuit. Iesus primum de Deo Patre locutus est; Is nobis Iesum misit; deinde Iesus de se ipso ut Filio ex Patre et Patri aequali locutus est; deinde Spiritum Sanctum saepe promisit, qui post resurrectionem in discipulos venturus erat; denique Trinitatias mysterium proposuit: “Data est mihi omnis potestas in caelo et in terra: euntes ergo docete omnes gentes: baptizantes eos in nomine Patris, et Filii, et Spiritus sancti: docentes eos servare omnia quaecumque mandavi vobis: et ecce ego vobiscum sum omnibus diebus, usque ad consummationem saeculi” (Mt 28, 18-20).

Cum Fidei Symbolum in missa dominicali recitamus, fidem nostro baptismo confirmamus; a baptismo familiae divinae participes sumus; Pater in novam vitam nos genuit, Filius a morte aeterna nos servavit; Spiritus Sanctus vitam divinam nobiscum communicat; Ipse est enim “dulcis hospes animae”. Conciliun Vaticanum II ex Sancti Cypriani formula proclamavit: “Sic apparet universa Ecclesia sicuti ‘de unitate Patris et Filii et Spiritus Sancti plebs adunata’ ” (LG, 4). Populo Sanctissima Trinitas laudanda et veneranda est.

Optima Sanctissimae Trinitatis laudatio et veneratio est: impense nostrun baptismum vivere, sentire nos sicut filios amari, nosmetipsos ut Dei filios amare, alios quoque ut Dei filios amare.

Compendium excerptum ex Patris Iosephi Ioannis Del Col, SDB, homilia Hispane exarata aque die dominico XXXI mensis Maii habita in festo Sanctissimae Trinitatis.

Scripsit Iosephus I. Del Col/Paulus Kangiser - 07/06/2015





BREVES Magistratus Germanicus confirmavit caedem in synagoga effectam a proposito terroristico exortam esse: reum Stephanum Balliet secum contulisse quattuor kiliogrammata materiae displodentis ut plurimos occideret. Odium Semitarum causam sceleris fuisse.
Civis rei publicae Dominicanae ob furtum factum ductus cum fratre in Publicae Securitatis sedem urbis Tergestis petere plumbo biocolytas coepit, ablata maniballistula unius eorum: duo triginta annorum occisi sunt, alii sauciati. Sicarius effugiens vulneratus et comprehensus est.
Hoc Veneris die iuuenes innumeri in fora totius orbis descenderunt ut metum suum de permutatione aeris demonstrarent: milio iuuenum enim in tota Italia ac plures in XXVI aliis Nationibus ad plateas conuenerunt.
Lepida symbola Pauli Kangiser in rubrica "facetiae" edita est.
Extrema condicio imposita est de Brexitu: Ministro Primario Boris Johnson intra duodecimum diem mittendum est consilium ut cum Europa foedus fiat. Aliter, ut ait praeses Finnicus Unionis Europaeae Antii Rinne, omnia ad finem ventura sunt.


INSOLITA
INSOLITA
POLITICA
INSOLITA
POLITICA

 

Latine loqui disce!!


Subnotationes fient
ante finem Septembris.

==============

=============

AMICI EPHEMERIDIS: