|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
Iraniani parati sunt ad uranium peregre crebrandum
Iraniani in controversia de vi atomica iis cessisse videntur, qui poposcerant, ut uranium Iranianum peregre crebraretur. De qua re Iranianis cum Turcis et Brasilianis Lunae die convenit. Ludovicus Ignatius Lula da Silva, praeses Brasilianus, et Recep Erdogan, primus minister Turciae, Teheraniam convenerant, ut ea pactione facta sanctiones Iraniae imminentes prohiberentur. Ex qua pactione MCC chiliogrammata uranii Iraniani mediocriter crebrati tam diu in Turcia manebunt, dum materia urenda ad reactorium Teheraniense perveniat. Regimen Iranianum curatores internationales rerum atomicarum (IAEA) de ea re certiores facturum locutor ministri rerum exterarum dixit. Qua re fore, ut curae inanes fierent, quas consilia atomica Iraniorum Americanis sociisque eorum afferrent, qui Iranianos pyroboli atomici fabricandi insimularent.
Scripsit Volfgangus Austriacus - 18/05/2010 00h10 . .
|
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
