|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
POLITICA
Flumen humanum ad fines Multitudo desperatorum iter facit ad fines Civitatum Americae Unitarum a republica Hondurasiana profecta: de qua re ait Praeses Donaldus Trump in percontatione apud televisionem ABC habita. Necesse murum hominum exstruere qui irruptioni obstaret. Se ad finem meridionalem milites usque ad XV milia missurum esse, plura quam in Afgania adstantes. Tamen instrumentis communicationis non credendum esse quia agmen migrantium non tam magnum exstaret ut reputarent, cum ille peritissimus esset turbae copiam aestimandi, quin etiam multitudinem post discessum in Mexicum imminutam esse. Ergo inquilinus Domus Albae nuntium ingentis magnitudinis prorsus falsum esse declaravit; alioquin magnam partem constare ex adolescentibus, feminis puerisque qui in telehorasin inclusi essent, consulto prope apparatum televisorium positi. Quod discrepat a verbis exaratis in reti sociali (Twitter) ante unam hebdomadam, ex quibus inter multitudinem pugnantes et nefarii adessent. Scripsit Lydia Ariminensis - 02/11/2018 01h56 . .
|
BREVES
Novissima demoscopia monstrant candidatam Democratarum ad munus praesidis USA Hilariam Clinton superare sui aemulum Republicanum Donald Trump 2-5%. - 05/11/2016 23h59
In Ungaria plebis scitum de migrantibus numerum legitimum suffragiorum non tulit, sed Minister Primarius Victorius Orban Cartam Constitutivam mutatum iri nuntiavit ne migrantes acciperentur non probante senatu. - 03/10/2016 18h35 Bratislaviae Slovacorum conveniunt duces 27 terrarum sociarum Unionis Europaeae - primum sine Britannia. Candidatus republicanorum ad munus praesidis USA Donald Trump superat in indagatione opinionum aemulatricem democratam Hilariam Clinton in tribus "civitatibus maximi momenti": Ohio (praestantia 5%), Florida (3%), Nevada (2%). - 15/09/2016 10h18
VIDE ETIAM
|
|||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
