|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
PERCONTATIO
GASIUM UCRAINAE VILIIUS PRO LICENTIA RUSSIS SEBASTOPOLI MANERE Ianukovyts nulla alia erat optio... Percontatio Theodori (Fiodor) Lukianov, redactoris principalis actorum trimestrium "Russia in politica globali", quam perduxit relator actorum Polonorum "Gazeta Wyborcza" Venceslaus (Wacław) Radziwinowicz Radziwinowicz: Russia assensa est se gasium naturale vicinae Ucrainae vendituram pretio adhuc solito multo minore. Invicem regimen Kievianum ministri primarii Victoris Ianukovyts dabit classi Russicae licentiam spatio 15 novorum annorum, id est usque annum 2042, in portu Sebastopolensi ac zona ei vicina manere. Portus hic enim est arx maximi Russis momenti in oris Ponti Euxini (Maris Nigri). Methanio viliori Ucrainiensibus venum dato Moscovia amissura esse putatur quattuor miliarda dolariorum. Num Russia vero potest tantam pecuniae perdere? Lukianov: Apud nos semper pecunia invenitur ad dignitatem civitatis augendam. Radziwinowicz: Sed tanta nummorum copia? Lukianov: Hic non agitur solum de portu Sebastopolensi, Ucraina aperitura est negotiationibus Russicis suas electrificinas nucleares aqualesque atque industriam aeronauticam. Radziwinowicz: Nonne putas hoc pacto maxime agitatandas factiones anti-Russicas in occidentali mediaque partibus Ucrainae? Lukianov: Sine dubio, hi enim hanc transactionem putant proditionem esse. (...) Sed eodem tempore eorum politici, ut Iulia Timosenko et Victor Iustsenko, a tota fere natione habentur ut rei maximae crisis oeconomicae, ergo voce populi niti hi viri sperare non debeant. Neque ita est, ut (minister primarius) Ianukovyts pactum hoc contraxerit, quod tam magnopere Moscoviam amat, sed quia nulla alia optio ei relicta maneret. Ucraina non potest porro methanium a Russis pretiis internationalibus emere. Radziwinowicz: Sed Unio Europaea potest accusare Russiam pressione oeconomica uti, ut terram sui vicinam politice expugnet? Lukianov: Europa re vera nolit Ucrainam in gregem suorum invitare, nam bene scit sibi imprimis esset ei pecuniam praebere. At nunc Ucraina invenit novum sibi donorem qua re multi viri politici Bruxellis cum levamine respirant. Aliter US-Americani; hi stomachantur semper cum Russis aliquam terram contra se expugnare contingat, ut esse videatur quoque in casu Kirgisiae. Scripsit Stanislaus iconoclastes.blog.onet.pl - 23/04/2010 23h48
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
