|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
|
NUNTII 
TRUMP SENTENTIAM MUTAVITPost congressum Helsingiae acriter vituperatus est
In capite Helsingia Praeses Trump concors prorsus cum collega Putin visus est: nullam interpositionem Russicam ut sui creationi faveretur (Russiagate) in comitiis praesidialibus Americanis fuisse; nullam rem flagitiosam, sed potius ridiculam. Cum inter se quattuor horas collocuti essent, in summa illud exstitisse: bellum frigidum finem habuisse, toti orbi Civitatibus Americae Unitis et Russia opus esse, ne arma atomica augerentur ac securitas defenderetur. “Plurimi interest ut ad colloquium veniant” Johannes Bolton, minister consiliorum pro securitate declaravit. Tamen congressus eventus valde in actis diurnis Americanis (Washington Post) reprehensus est: quod Trump dixisset, a Russis scribi potuisse. Ille a popularibus etiamque a republicanis accusatus est se negavisse quae ab investigationibus munerum secretorum Americanorum emersissent. Relator consilii legatorum populi Paulus Ryan factionis republicanae dubium non esse quin Russi in comitia Americae se interposuissent asseveravit. Ipse socius et defensor magni momenti Newt Gigrich opinatus est praesidem graviter erravisse, quare sententias de muneribus secretis et de praeside Putin ab eo explanandas esse. Cum tam vehementer vituperatus esset Donaldus Trump in acroasi in Domo Alba habita apud diurnarios affirmavit se Helsingiae contraria exprimere voluisse; necesse illustrare quid sensisset, ut erratum emendaretur, cum ipse exitus investigationum munerum secretorum de interpositionibus Russiae acciperet. Scripsit Lydia Ariminensis - 18/07/2018 22h42
. .
|
BREVES
SCIENTIAE
SOCIALIA
RELIGIO
SOCIALIA
RELIGIO
|
||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||||
