Suionum praemium "Nobel" his diebus nouis doctoribus summis oblatum est: heri ipsi physici Georgius Parisi Italicus, Syukuro Manabe Iaponicus ac Nicolaus Hasselmann Germanicus praemium "Nobel" pro studiis physicis obtinuerunt, qui telluris aerem quam optime obseruarunt. Georgii illius Parisi Italici uictoria in Uniuersitate Romana "Sapientia" maxime celebrata est. Hodie praeterea alchemiae studiosi Beniaminus List Germanicus atque Dauid McMillan Britannicus propter organocatalyseos usum confectum praemium supremum exceperunt. Scripsit Andreas Nouocomensis
|
