GASII POTESTASDe minis Alborussicis
![gasium2.jpg](../admin/nuntii/files/gasium2.jpg)
Post Europaeorum consulum uerba, quae contra Alborussicum consilium de migrantium immissione pronuntiata sunt, postque sanctiones promissas ille praeses Lukaschenko se gasium suum Europae futuris temporibus nondum praebiturum publicauit; quod igitur nuntium multis nationibus maximo detrimento metuique fuit. Praeses Sarmaticus tamen Putin, qui pollentissimus est eius Lukaschenko socius, sodalis sententiam omnino refutauit: ipse nam Bladimirus Putin per legatum Demetrium Peskov ad futura tempora gasii molem Europae se daturum illumque Lukaschenko, nullo communi foedere habito, consilium cepisse pronuntiauit. Scripsit Georgius Lutetiensis
|