DE AQVARVM POTESTATEDe re Indica
![Kerala.jpg](../admin/nuntii/files/Kerala.jpg)
In regionibus Indianis, quae ad meridiem uertuntur, his diebus pluuia summopere de caelis decidit terramque Indicam nefaste affecit. In prouincia Australi Kerala enim propter aquae effluuia inundationes multae euenerunt: ibi igitur ciuium milia miliaque domibus eiecta sunt nuncque sine tecto manent. Multi attamen homines exundationibus non superfuerunt: XXV saltem ciues Indici propter illuuiei potestatem uitam amiserunt; sunt praeterea qui nullo modo reperiri possunt, quoniam aquarum uehementia eos oppressit. Castra fere centum tamen in Indicis terris instructa sunt, ut ciues adiuuari possent. Scripsit Andreas Nouocomensis
|