DE PRAEMIO SVIONVMSapientum summum trophaeum
![nobel.jpg](../admin/nuntii/files/nobel.jpg)
Praemium praeclarum "Nobel" ad scientiae summa inuenta optimo cuique sapienti quotannis tribuitur. Hoc anno medicinae professores Dauid Julius Boreoamericanus Ardemque Patapoutian Poenicus pro medica inuentione maximum honorem adipiscuntur: ipsi enim medicinarum periti hominum tactus sensum uariis experimentis peruestigauerunt, ut huius sensus qualitates quam optime intellegerent. Medici illi caloris frigorisque necnon pressionis perceptionem examinauerunt atque ad exitum praeclarum peruenerunt: ipsi enim sensus qualitates per neruos perspicue commonstrauerunt cellulasque nouas ad pressionis sensum percipiendum inuenerunt. Scripsit Andreas Nouocomensis
|