DE CLADE BACTRIANA

Victoria Talebanorum

Nonnullos ante menses regressus Boreoamericanus a terris Bactrianis pronuntiatus est. Ex illo discessus tempore Talebanorum uires magis magisque incesserunt ac nunc ad caput Bactrianum peruenisse uidentur: ad ciuitatis Kabul portas iam Talebani milites conuenerunt moeniaque circumiuerunt. Senatus ac internorum minister Bactrianus in Talebanorum potestatem uenit atque pro ciuium salute terroristarum uoluntatem accipere cogitur: ciues interim ipsi iam e capite Bactriano effugere creberrime inceperunt; milia hominum hodie ciuitate exiuerunt. Talebanorum legatus Zabihullah Mujahid milites sine ui ciuitatem capturos esse praedicit, modo si nulla erit duritia.

Scripsit Andreas Nouocomensis