CATO HODIERNVSAccusator Boreoamericanus
![Angeli.jpg](../admin/nuntii/files/Angeli.jpg)
Druidum Americanorum recentissimus, qui Capitolium Washingtonense postride Nonas Ianuarias magno impetu oppugnauit, Iacobus Angeli bisontis pelle tectus semet testem deuouit. Ipse enim nouus Brennus sententiam suam his modis aperuit: "Contra illum Donaldum pro nota censoria -id est senatus impedimentum- ipse testabor: Capitolina aggressio alio more acta est, non eius praesidis pristini contentio sed pro libertate pugna uidebatur". Lindsey Graham senator conseruatiuus tamen contraria respondit: "Ludos circenses nimios septimanis superioribus uidimus: druido illo teste hoc iterum euenire non licebit". Scripsit Marcus Austriacus
|