Administratio Sarmatica inter Boreocoream et Boreoamericam interpretem fieri cupit. Demetrius Peskov, legatus Administrationis Russicae, hodie apud periodicum CNN sermones illos pronuntiavit.
Sed Praeses Sarmaticus Vladimirus Putin, per eundem legatum suum, protinus concessit: "Nemini concordiam creari licet, nisi factiones ambo concordiam illam velint."
Minister Externorum Sarmaticus Lavrov proinde Civitates Coniunctas et Coream Septentrionalem ut concertationes deponant heri exhortatus est. Quoquo modo, primam Administrationem duarum Americam futuram suasit.
Interea, Dictator Boreocoreae Kim Jong-Un novas suas machinas militiae opparat. Nova examina de missiliis experiendis anno incipiente perigerentur. Sed Austrocorea non immota aspiciet: novum agmen contra impetus Boreocoreanos creabit. Scripsit Andreas Novocomensis
|
