Civitates Coniunctae Americae. Pristinus Actuarius de Securitate Nationali praebenda Michael Flynn de mala re “RussiaeCancellorum” nova nuntia addidit: testimonia adlaturum de iussibus ut cum Russis loquatur, quibus res in Syria gerere potuissent, promisit. Praeterea, nonnulli auctores Americani haec cumulaverunt: cum principibus Adminsitrationis Sarmaticae gener Praesidis Trump Kushner illas dispositiones tradidit.
Praefectus Iustitiae, qui rei studet, Mueller de re dixit: “Actuarius Flynn per mendacia sua iustitiam inpedit.” Praeses Donaldus Trump hodie suam sententiam breviter expressit: “Minime apud me timeo verba Actuarii Flynn. Nulla collusio apud me.” Scripsit Andreas Novocomensis
|
