Bruxellae. Pristinus Minister Catalanus Carolus Puidgemont hodie a Natione Belgica gravissimis verbis praeloquitur: “Iustitiam Hibericam maxime exprobro. Factiosa et minime aequa de contentionibus publicis est.” Sed non modo Tribunal Rei Publicae accusavit, sed nova quoque de consiliis suis pronuntiavit: “Composituram et honores de rebus faciundis ab exilio meo aedificabo, scilicet Administratio nova Catalunensis haec futura est. Eiusmodi propositum est ut electiones diei XI ante Kalendas Ianuarias vincamus.”
Interea, in regione Catalunensi Princeps Senatus Forcadell coram Administratione Hiberica haec proiecit: “Libertas Catalunensis non substantia, sed signum nobis fuit. Praeterea, articulum CLV Constitutionis Rei Publicae observabimus.” Scripsit Andreas Novocomensis
|
