FLORIDA AD VASTATIONEM PARATA EST

Monstrum Irma furere non cessat

Terribilis Irma quam celerrime, decem kiliometra in velocitatem per horam, quamquam minus potens, cum vehementia tertii vel quarti generis sit, ad Floridam incedit; citato cursu etiam insulam Cubam prostravit: transitus nefandus causa est fluoris electrici abruptionis in magna parte territorii et in ipso capite La Habana; aedificia magna detrimenta acceperunt, viae sunt concussae ventis vehementissimis quibus ducentorum kiliometrorum velocitas est simulque ob assiduis imbribus inundantur. Res tragica etiam in insula Sancto Martino ubi septuaginta partes ex centum domuum deletae sunt vel magno detrimento affectae.

Calamitas, quae mostro inferorum comparatur, saevire non cessat, tamen aliquanto retardatur subvenientibus Furiis Oceani Atlantici nomine Josè et Katia, minore vehementia ad hoc tempus reputatis ; unus furit ab orienti, altera ab occidenti sole. Interea Florida ad vastationem parata est. Prope septem milliones incolarum loca litori proxima deseruerunt. In urbe Miami domuegressio nocturna impeditur eis qui receptum habeant. Litus meridionale in magno periculo versatur, cum timetur ne undae altius extollantur et omnia mergantur. Ipse Praeses Donaldus Trump omnes cives incitavit ad fugam; non res servandas, sed vitae providendum esse.

Scripsit Lydia Ariminensis